O alcalde valora a importancia do deporte na visita ao campamento de Samil

venres, 14 xul 2023

Abel Caballero achegouse este venres ao campamento municipal que se desenvolve en Samil, onde nenas e nenos de entre 4 e 17 anos participan en diferentes actividades, principalmente de carácter deportivo. Na conversa que mantivo coa cativada e cos monitores puxo en valor os beneficios da práctica deportiva, de calquera disciplina, para o desenvolvemento persoal e para a saúde física e mental de toda a cidadanía. O programa Verán Xove 2023 do Concello ofrece este ano máis de 4.600 prazas para favorecer a conciliación familiar e laboral.

O goberno local presenta o proxecto para a mellora do comercio e turismo de Bouzas

xoves, 13 abr 2023

Abel Caballero deu conta da participación do Concello na convocatoria do Plan de Recuperación, Transformación e Resiliencia do Goberno de España, financiado con fondos europeos Next Generation EU, para o fortalecemento da actividade comercial e turística, coa presentación do proxecto da rexeneración do paseo e a fronte marítima de Bouzas cunha solicitude de case 1.500.000 euros.

Persoas de todas as provincias visitaron Vigo no Nadal

mércores, 15 mar 2023

Abel Caballero deu a coñecer este dato ofrecido polo estudo de medición a través de teléfonos móbiles para a época de Nadal. Caballero lembrou que Vigo rexistrou 5.345.759 visitantes entre o 19 de novembro e o 15 de xaneiro. Os visitantes nacionais chegaron de todas as provincias de España e tamén das cidades autónomas de Ceuta e Melilla. O alcalde tamén cifrou en 1.642 os municipios rexistrados de todo o país e todos os concellos de Galicia, segundo a procedencia das persoas. "O perfil de turista é fundamentalmente familias, case a metade dos visitantes", explicou sobre o perfil dos visitantes.