“O Nadal é un fenómeno extraordinario que dá a volta ao mundo”
O alcalde referiuse este venres á clasificación realizada polo portal de reservas Ebooking que sitúa a Vigo como o destino favorito de España durante o Nadal.
O alcalde apuntou que Vigo xa se converteu no “destino favorito de España durante o Nadal” segundo o portal de reservas ebooking.com, que sitúa por detrás da cidade olívica a Madrid, Málaga e Barcelona. Amais, destaca a efectividade das estratexias turísticas locais para atraer visitantes durante esta época festiva.
Abel Caballero explicou que, a día de hoxe, a previsión para a ocupación hostaleira para a ponte da Constitución é de case o 100%. “Estamos ocupando Vigo e os hoteis da provincia de Pontevedra” co Nadal de Vigo que se converteu nun referente turístico. A imaxe de Vigo está en todo o mundo, con mupis en Nova York, Londres, París, Roma, o norte de Portugal e o resto de España lembrou.
“O Nadal é un fenómeno extraordinario que dá a volta ao mundo” sinalou o rexedor.