venres, 28 mai 2021
Nunha reunión celebrada este venres, a proposta do goberno de Vigo recibiu “a felicitación expresa e colectiva” do sector, asegurou Caballero, quen agarda aprobar a ordenanza “moi rapidamente” para que poidan estar instaladas no outono. O Concello incorporará progresivamente criterios estéticos uniformes por zonas e permitirá ocupar prazas de estacionamento. “O noso apoio total á hostalería”, resumiu o alcalde.
xoves, 20 mai 2021
Abel Caballero participou co director de Negocio e Operacións Comerciais de Adif nunha mesa redonda en Fitur baixo o lema “Destino Vigo” na que abordaron o proxecto da estación de alta velocidade da cidade como un exemplo das estacións que quere implantar noutras cidades o Administrador de Infraestruturas Ferroviarias.
mércores, 19 mai 2021
O Concello presenta este xoves, 20 de maio, a súa proposta na Feira Internacional de Turismo que se celebra no Ifema en Madrid. Coa pandemia en proceso de control “é o momento de relanzar a nosa oferta”, di Caballero.
venres, 14 mai 2021
O xoves 20 de maio, o alcalde lanzará na Feira Internacional de Turismo o “proxecto Vigo” e a súa “transformación excepcional”, que vén recoñecer a enquisa da OCU que sitúa a Vigo como a urbe con maior calidade de vida de España. Para Caballero, a proposta viguesa resúmese nunha frase: “Vigo, o mundo nunha cidade”.
xoves, 13 mai 2021
O goberno de Vigo aprobou o expediente de contratación para a instalación do belén da Casa das Artes para os dous próximos anos, que engadirá unha mostra fotográfica e un photocall con figuras a tamaño real. O alcalde anunciou ademais a prórroga por un ano do contrato de iluminación de Nadal.
xoves, 13 mai 2021
O Concello xa ten en marcha o proceso de ordenación provisional do ámbito de Cruceiro onde se vai instalar Bricomart, do grupo Leroy Merlín. Esta actuación permitirá ao Concello recibir de xeito gratuíto un bulevar de 30 metros no que se integrará un carril bici, unha zona peonil e un parque.
xoves, 29 abr 2021
As rutas “Vigo señorial” e “Vigo antigo” estarán dispoñibles dende hoxe na aplicación do Concello para tódolos usuarios que queiran coñecer parte da riqueza arquitectónica da cidade. O alcalde avanza que están en proceso de preparación tres novas rutas polas medianeiras da urbe.
xoves, 22 abr 2021
O alcalde informou este xoves da aprobación do programa de actuación, que inclúe o Cíes Market da Alameda, o mercado do Calvario, a noria xigante, ramplas de xeo, trens turísticos e atraccións infantís por toda a cidade. O goberno de Vigo busca propostas innovadoras para Teis, Bouzas, Travesas, Berbés ou Coia, entre outros emprazamentos.
luns, 19 abr 2021
Antes da Conferencia Sectorial do Plan de Recuperación, Transformación e Resiliencia, Caballero dixo que "estamos preparados para actuar e transformar este país desde as Entidades Locais". Presidente da FEMP subliñou o papel dos gobernos locais na aplicación dos fondos europeos.
luns, 19 abr 2021
O presidente da FEMP e a xunta de portavoces reuníronse esta tarde coa ministra Reyes Maroto, que presentou as cifras do Plan de recuperación nestas áreas. Caballero reivindicou a proximidade dos gobernos locais como garantía de eficiencia na xestión de fondos europeos para apoiar ás pemes e empresas, promover a actividade industrial e a xestión turística.
