As microcurtametraxes sobre a Reconquista poden enviarse ata o 30 de abril
O alcalde anima a toda a cidadanía a participar na I edición do Concurso de microcurtametraxes “Vigo en 90 segundos” coas súas creacións sobre a historia da cidade.
Baixo o lema “Historias da Reconquista de Vigo en 90 segundos” permanece aberto ata o 30 de abril a II edición do Concurso de micro curtametraxes “Vigo en 90 segundos”.
As persoas interesadas en participar deben cumprir dous requisitos: respectar a temática histórica e que o vídeo non exceda de 90 segundos; poden ser rodados con calquera dispositivo, mesmo co móbil, e deberán enviarse a través da web da Vigo Film Office.
Tal e como explicou o rexedor este venres haberá 8 premios valorados nun total de 2.500 euros e o público poderá votar a través do Instagram da Vigo Film Office entre o 1 e o 10 de maio para elixir o Premio do Público. Os gañadores do resto das categorías serán seleccionados por un xurado composto por profesionais do sector audiovisual, membros da Vigo Film Office e funcionarios municipais. Os gañadores coñeceranse o 14 de maio.