Hoxe reuníronse en no Auditorio Mar de Vigo distintos axentes do proxecto europeo IN2CCAM para expoñer os primeiros resultados e as posibles melloras, así como as necesidades dos usuarios e as necesidades para replicar o proxecto noutros municipios. Vigo é unha das cidades que lidera o proxecto no que participan 21 entidades de 10 países.
Abel Caballero, situado hoxe ante os preto de 1.500 alumnos de 34 colexios de Vigo que conformaron a avanzada das tropas viguesas que no día da Reconquistiña fixeron retumbar a Porta do Sol de Vigo co son dos seus tamborís para pedir a liberación da cidade do exército de Napoleón, e anticipar a Festa da Reconquista do próximo fin de semana, chamou a “vivir” e a gozar dunha das festas de referencia da cidade.
Abel Caballero explicou esta mañá os datos recollidos na "Happy City Index 2024" que realiza o Institute of Quality of Life de Londres, que “sitúa a Vigo no posto 58 do mundo, sendo a primeira cidade española”.
Vigo liderou a caída do desemprego en Galicia no primeiro trimestre de 2024. Así o destacou este mércores Abel Caballero ao sinalar que o paro diminuíu na cidade nun 11,5 por cento, fronte ao 9 por cento da comunidade autónoma galega, e o 4,7 por cento do resto de España.
Abel Caballero recibiu este mércores a Anxo Lamela, Daniel Rodríguez, Icía Carrera e Roque Miguéns, responsables do proxecto “Modelo funcional de hidrogenera y motor de combustión alimentado por hidrógeno” co que gañaron a primeira edición do festival CINVIGO organizado polo Centro de Investigación en Nanomateriais e Biomedicina da Uvigo que se celebrou na Porta do Sol e co que participaron na feira científica Exporecerca Jove en Barcelona. Tal e como lle expuxeron ao rexedor, buscaron solucións sostibles e avanzadas para abordar os desafíos enerxéticos do futuro sendo pioneiros no desenvolvemento dunha estación de hidróxeno no ámbito dun centro educativo de bacharelato con tecnoloxía que utiliza electrodos de carbono grafito para a produción de hidróxeno.