Abel Caballero: “Os datos corroboran a boa marcha do turismo en Vigo”
O Instituto Nacional de Estadística publicou os datos do mes de xullo, nos que a cidade obtén “cifras de récord tanto en viaxeiros como en pernoitas”.
No mes de xullo chegaron a Vigo 53.947 viaxeiros, un 2,61% máis que no mesmo mes de 2023 (52.574). O rexedor destacou o importante incremento dos viaxeiros estranxeiros, que “aumentaron un 9,87% cun total de 18.218”, mentres os nacionais “situaronse practicamente nas mesmas cifras que en 2023”.
As pernoitas totais en Vigo alcanzaron as 107.914, subindo un 1,28% respecto ao xullo do ano pasado. As pernoitas nacionais aumentaron un 0,80%, situándose en 75.142, e as internacionais “volven ser cifras récord”, alcanzando os 32.772, un aumento do 2,39% con respecto a 2023.