mércores, 8 set 2010
O tenente de alcalde, Santi Domínguez, presentou hoxe "Feira", o mercado de produtos tradicionais que se inaugurará o vindeiro sábado no Paseo de Alfonso e que terá unha periodicidade mensual. O nacionalista salientou que se trata dunha medida máis para revitalizar o Casco Histórico ao tempo que se pon en valor a tradición dos artesáns, que foron peza fundamental no desenvolvemento do barrio.
martes, 7 set 2010
O tenente de alcalde, Santi Domínguez, salientou hoxe na presentación da Festa do Marisco de Vigo, que se inauguran o xoves, que xogan un papel moi importante de promoción turística da cidade ao servir de reclamo de atración de visitantes. O nacionalista considera que nesta sétima edifición as xornadas marisqueiras están consolidadas e é posible dicir que "Vigo xa ten un referente gastronómico que era incríble que non o tivera co seu potencial pesqueiro".
venres, 27 ago 2010
"Landriña descobre os segredos do xardín" é a nova proposta que terá lugar o vindeiro domingo no Museo Quiñones de León, no marco do programa "Domingos de Museo". Neste obradoiro, que comezará ás 11.30 horas, pode participar ata un máximo de 15 nenos e nenas cun máximo de dous acompañantes.<br />
venres, 13 ago 2010
O tenente de alcade e concelleiro de Turismo de Vigo, Santi Domínguez, presentou este venres os atractivos turísticos da cidade ante os principais turoperadores franceses que se atopan na cidade francesa de Lorient con motivo da 40 edición do Festival Intercéltico. Na presentación, que se celebrou na carpa do Village de Turismo de Vigo, tamén participaron o concelleiro de Cultura, Xesus López, e a concelleira de Xuventude, Iolanda Veloso.
xoves, 12 ago 2010
O tenente de alcalde e presidente do comité executivo do IFEVI, Santi Domínguez, asegurou este xoves que esta tarde comezará a instalación do valado provisorio dos accesos aos aparcamentos do Instituto Feiral de Vigo. Para o nacionalista, é preciso evitar "de inmediato" que se repitan os feitos que tiveron lugar o pasado fin de semana, no que un grupo de xóvenes se concentraron cos seus vehículos nestas instalacións.
luns, 9 ago 2010
O tenente de alcalde, Santi Domínguez, destacou este luns o incremento da participación no programa Verán de Lecer, destinado a persoas con discapacidade. Na visita que este luns realizou ás instalacións do Centro Aspanaex xunto á concelleira de Benestar Social, María Méndez, o nacionalista asegurou que este ano se superaron as expectativas respecto ao ano pasado, xa que se pasaron de 140 persoas participantes nos campamentos de 2009 a 198 neste 2010.
venres, 6 ago 2010
O tenente de alcalde, Santi Domínguez, cortou este venres a cinta que inaugura o apartado de competición de O Marisquiño 2010, tras comezar o onte co concerto ofrecido por Public Enemy en Castrelos. No acto, no que tamén participaron o concelleiro de Cultura, Xesus López, e o responsable de organización, Carlos Domínguez, o nacionalista asegurou que a décima edición de O Marisquiño será un "rotundo éxito" xa que as previsións apuntan que se superarán os 45.000 espectadores rexistrados no 2009.
mércores, 4 ago 2010
O tenente de alcalde, Santi Domínguez, anunciou este mércores a creación dun coro e orquestra xuvenís, que integran o proxecto Xovigo. Segundo destacou na presentación da iniciativa, na que tamén colabora a Asociación Galega de Música Atlantic Musik, o obxectivo de Xovigo é "contribuir á formación artística e académica no eido musical e artístico da mocidade viguesa" e avanzou que tras a selección de integrantes e os ensaios pertinentes, o coro e a orquestra poderán realizar a súa primeira actuación en primavera de 2011.
luns, 2 ago 2010
O actor galego Luis Tosar recibiu hoxe a praca que o nomea como "Embaixador honorífico do Casco Vello de Vigo" de mans do tenente de alcalde, Santi Domínguez. O acto tivo lugar na Casa Galega da Cultura e nel tamén participaron o concelleiro de Cultura, Xesus López, e o concelleiro de Patrimonio Histórico, Eudosio Álvarez. Trala entrega e a posterior rolda de prensa, todos eles realizaron unha visita polo Casco Vello vigués no que a primeira parada foi o bar ao que Tosar lle ten máis cariño, "O Chavolas", onde foi recibido con bicos, abrazos e case choros pola súa dona.
xoves, 29 xul 2010
O tenente de alcalde, Santi Domínguez, e o reitor Salustiano Mato acordoron hoxe establecer canles de colaboración que permitan desenvolver proxectos en beneficio da cidade no transcurso da visita institucional que o nacionalista realizou hoxe á Universidade de Vigo. Industria, comercio ou turismo serán algúns dos sectores nos que se vai traballar coordinamente para abordar proxectos en común.
