A Policía Local dirixiu este ano 198 traslados de transportes especiais na cidade, o que supón un repunte respecto dos dous anos anteriores cando as cifras diminuían. Segundo explicou Carlos López Font, o Concello facilita ao máximo estes traslados en beneficio das ampresas e da economía de Vigo e da súa área de influencia.
Cada panel informativo, ubicados en puntos estratéxicos da cidade, ofrecerá información a tempo real indicando a duración estimada e a fluidez do tráfico en tres rutas. O goberno de Vigo informará sobre posibles obras, accidentes ou manifestacións que poidan afectar á circulación. Vigo será a primeira urbe española en proporcionar tal grado de información do tráfico en tempo real, segundo salientou o concelleiro de Seguridade e Mobilidade, Carlos Font.
As liñas C1 e C2 de Vitrasa incrementarán as súas frecuencias durante o periodo de Nadal. Así o avanzou hoxe venres o rexedor nunha rolda de prensa na que non descartou que esta ampliación se consolide.
O Concello ampliou a 67 os semáforos dotados cun sistema bluetooth que se activa desde o teléfono do invidente de xeito que o sinal acústico se activa ao paso do usuario. Deste xeito, o volume do sinal pode ser o óptimo para a seguridade do peón, ademais de evitarse as molestias que xeraban aos veciños da zona os ruídos dos semáforos acústicos convencionais.
O Concello instalará elementos de protección ao longo de máis de 4 quilómetros en estradas de ámbito municipal, incluíndo 1.400 metros lineais de novas barreiras. Hoxe mércores, o alcalde trasladou o informe municipal a asociacións de motoristas e solicitará á Deputación, Xunta e Estado que doten de seguridade estradas da súa competencia na cidade.
O alcalde de Vigo participou este venres no acto de inauguración do monumento, emprazado á altura do coñecido como "balcón de Aragón", unha das accións promovidas con motivo do Día Mundial en Recordo ás Vítimas de Accidentes de Tráfico que ten lugar o terceiro domingo de novembro.
O alcalde avanzou este venres que a próxima semana se reunirá con asociacións de motoristas para pasar revisión a todos os gardarraís da cidade que supoñen un risco para a integridade física dos motoristas en caso de caída. Caballero asegurou que "imos por salvagardarraís en todos os viais da cidade de competencia municipal" para que "Vigo quede libre de gardarraís asasinos".
As solicitudes de información rexistradas na emisora central da Policía Local no que vai de 2014 son 6.284, fronte as 1.781 que se recolleron en todo 2013. Así o explicou o concelleiro de Seguridade, Carlos López Font, nunha rolda de prensa na que tamén precisou que a media diaria de requerimentos telefónicos dos cidadáns é de 114.
Ao redor de 15.000 persoas participarán o ano que ven nalgunha das actividades formativas desenvolvidas desde o departamento de Educación Vial da Policía Local. Segundo explicou hoxe Carlos López Font, concelleiro responsable, estas iniciativas diríxense un público heteroxéneo que vai desde os nenos de 0 a 3 anos, ás persoas de idade avanzada, pasando por infractores menores.
O alcalde avanzou esta mañá que o Concello traballa "nun proceso activo de facer a cidade máis porosa para os peóns, sen dificultar o tráfico dos vehículos". Entre outras medidas, referiuse á instalación nos últimos meses de 12 semáforos, pintado de novos pasos de peóns, graduar ven as ondas verdes, así como facilitar a circulación de motos.