O vindeiro luns 16 de xuño arrincará o servizo especial de reforzo do transporte público urbano ás praias de Vigo. Estará operativo durante toda a semana ata setembro para facilitar á cidadanía unha alternativa cómoda, segura e sostible ao vehículo privado. “Dez liñas que chegan directamente ás praias”, destacou o alcalde.
No marco dunha visita de cortesía, Abel Caballero mantivo un encontro este martes con Eulalia González Peña, subdirectora xeral do gabinete técnico da Policía Nacional, acompañada de parte do seu equipo, con quen puido abordar a operatividade da Policía Nacional e a importancia da súa colaboración co corpo da Policía Local da cidade, unha cooperación que o rexedor pon en valor polo seu alcance positivo.
O alcalde anunciou este venres, despois de percorrer o parque de bombeiros Sergio Sanlés coa primeira tenente de Alcaldía, Carmela Silva, a concelleira de Seguridade, Patricia Rodríguez, e o xefe de Bombeiros, Guillermo Domínguez, que as novas instalacións estarán operativas en 10 días. Abel Caballero, tras recordar os 3 millóns de euros investidos, recalcou o salto cualitativo que se rexistra con respecto á antiga dotación do Servizo de Extinción de Incendios de Balaídos. "É unha dimensión completamente distinta", afirmou.
O alcalde anunciou hoxe un servizo extraordinario de autobuses para facilitar o regreso do partido que a Selección Absoluta Feminina vai disputar mañá en Balaídos. Serán tres as liñas dispostas a partir das 20,45 horas, cando está previsto que remate o encontro.
O goberno local solucionará os problemas de seguridade nos accesos ao Párroco don Camilo coa construción dun novo viario conectado coa estrada de Baiona (PO-552) que conta un orzamento aproximado de 1,5 millóns. Con ese obxectivo, a Xerencia de Urbanismo aprobará a semana que vén un Plan Especial de Infraestruturas.
Abel Caballero deu conta do avance do corredor vertical que unirá a zona de López Mora coa de Hispanidade. O conxunto das ramplas mecánicas que se van instalar nas rúas Pintor Lugrís e Pintor Colmeiro ascende a 4,1 millóns.
O alcalde presentou este luns a XXXI edición da Festa da Reconquista de Vigo que se prolongará desde o sábado 22 de marzo, coa representación da destitución do alcalde, ata o domingo 30 coa expulsión das tropas francesas. O Concello incrementa a achega nun 8 por cento, ata alcanzar os 135.000 euros.
O alcalde avanzou o nomeamento de oito novos policías locais en prácticas, que se corresponden coa oferta de emprego de 2023.
Seguindo o éxito da experiencia de reforzar o transporte público durante as festas do verán, o Concello adoptou de novo a decisión de ampliar os horarios do autobús urbano cun servizo especial nocturno. Caballero avanzou que durante as noites do 24 e 31 de decembro, a concesionaria activará un dispositivo singular que dará comezo ás 02,00 horas e estará en funcionamento ata ás 07,00 horas.
Abel Caballero trasladou o seu descontento coa carta enviada ao Concello pola Consellería de Vivenda e Planificación de Infraestruturas carente de información: “non se trata un investimento desta envergadura en tres liñas”.