sábado, 13 mar 2004
A concellería de Mobilidade e Seguridade pon en coñecemento do público en xeral que por mor das obras de construcción do aparcamento soterrado da rúa Urzáiz, cortarase o carril descendente na rúa Urzáiz, no tramo entre Cervantes e República Arxentina, dende o próximo martes 16 de marzo de 2004 ás 00:00 horas, e ata o martes 23 de marzo ás 24:00 horas.
venres, 12 mar 2004
A cabeceira da manifestación partirá do do cruce da rúa García Barbón con Serafín Avendaño.<br />
<br />
Cortarase ó tráfico a partir das 18:00 horas aproximadamente, dende a rotonda de Isaac Peral, García Barbón, Policarpo Sanz, Elduayen, ata o Paso de Alfonso.
luns, 8 mar 2004
O corpo de Bombeiros celebrou hoxe a festividade de San Juan de Dios, o seu patrón, cunha misa solemne no Fogar e Clínica San Rafael, á que seguiu unha exhibición dos vehículos que posúe o corpo e do persoal do servicio ós nenos con discapacidade do centro. O acto contou coa presencia da alcaldesa de Vigo, Corina Porro, e mailo concelleiro de Mobilidade e Seguridade, Antonio Coello.
venres, 5 mar 2004
A Área de Mobilidade e Seguridade procederá a próxima semana a actuar en materia de seguridade vial coa sinalización horizontal nos pasos inferiores da cidade. Deste xeito pintaranse os bordillos , inicialmente , nos tuneis da Praza de América e Praza de España.
venres, 5 mar 2004
O corpo de Bombeiros celebrará o vindeiro luns a festividade de San Juan de Dios, o seu patrono, cunha misa solemne no Fogar e Clínica San Rafael, á que seguirá unha exhibición dos vehículos e do persoal do servicio ós nenos con discapacidade.
martes, 2 mar 2004
O tráfico volveu á normalidade na zona de Sanjurjo Badía ó rematar, o pasado luns 1 de marzo, das obras de construcción da rotonda que une as rúas Sanjurjo Badía, García Barbón e Julián Estévez.
xoves, 26 feb 2004
O concelleiro de Mobilidade e Seguridade, Antonio Coello, asiste ó salón Trafic de seguridade vial e equipamento para estradas que se celebra no parque feiral de Madrid entre os días 24 ó 27 de febreiro.
venres, 20 feb 2004
A Concellería de Tráfico, Seguridade e Transportes establece un operativo especial o sábado 21 e o mércores 25 con motivo dos desfiles das comparsas. Percorridos alternativos, cortes de tráfico e eliminación do estacionamento de vehículos son algunhas das medidas.
mércores, 18 feb 2004
A alcaldesa de Vigo, Corina Porro, anunciou hoxe a intención do Concello de Vigo de que a Policía Local e a Nacional realicen vixilancia nas zonas da cidade máis castigadas por actividades delictivas. A alcaldesa, trala celebración da Xunta Local de Seguridade e, acompañada polo subdelegado do Goberno na provincia de Pontevedra, Alejandro Millán Mon, avogou por iniciar accións conxuntas coa Policía Nacional para combater o vandalismo e a inseguridade cidadá. "A cidade debe percibir que a Policía está ó seu servicio e garanti-los dereitos de todos", dixo a alcaldesa, quen engadiu que "coas reformas legais do Goberno central o estado de dereito se vai fortalecer".
martes, 17 feb 2004
Axentes da Policía Local de Vigo abriron expediente sancionador durante a madrugada do pasado día 15 de febreiro a dous mozos que se dedicaban a arrancar plantas das xardineiras situadas no centro de Vigo.