Pleno da Corporación

O pleno apoia as medidas que eviten o peche do Hospital da Cruz Vermella de Vigo

luns, 22 feb 2010

O pleno de corporación municipal aprobou hoxe en sesión extraordinaria unha moción na que manifesta o rexeitamento ao peche do Hospital da Cruz Vermella de Vigo e reclama a Xunta de Galicia que realice as xestións precisas para que o centro siga prestando os seus servizos na rede sanitaria pública. O pleno tamén validou inicialmente a modificación da ordenanza reguladora da Inspección Técnica de Edificios (ITE) pola que posibilitará o endurecemento da normativa nos casos de revisións dos edificios da cidade.

O Concello aproba incialmente un orzamento para 2010 de 246 millóns de euros

xoves, 11 feb 2010

O pleno extraordinario da corporación municipal aprobou hoxe inicialmente os orzamentos do Concello de Vigo e os seus organismos autónomos para o presente ano, que se cifran en 246,6 millóns de euros e que inclúe 32 millóns de euros para investimentos reais, case un 50% máis en relación coas mesmas partidas inversoras do anterior exercicio. A sesión extraordinaria tamén deu conta da elaboración dun plan económico financiero para o Concello.

O pleno acorda pedir á Xunta que retire o decreto do galego no ensino

luns, 25 xan 2010

O pleno da corporación municipal aprobou este luns a moción contra o decreto do galego no ensino que insta a Xunta de Galicia a retirar o borrador do novo decreto sobre o uso das linguas vehiculares presentado o 30 de decembro de 2009 diante da opinión pública. A sesión ordinaria validou tamén a aprobación definitiva do Regulamento do Consello Escolar Municipal de Vigo (CEMV) e a contratación de servizos de revisión do inventariado municipal.