O curso da auga é unha oferta para achegarlle á sociedade viguesa a lingua galega que temos ben preto de nós, os oficios relacionados coa auga, as embarcacións tradicionais, as lendas... Non é un curso de galego, se por iso entendemos gramática, ortografía, sintaxe... Mais si é unha acción formativa do galego, xa que imos ampliar o noso coñecemento da lingua propia de Galicia.
Normalizacion Lingüística inicia esta semana novas actividades nos centros de ensino.Para ESO, Bacharelato e FP programa obradoiros de regueifa. Ademais, organiza unha actividade sobre o Merdeiro, para 1º e 2º da ESO e máis para o alumnado de 4º, 5º e 6º de primaria.<br />
O servizo de Normalización Lingüísticaprograma hoxe mércores ás 20 horas, unha charla sobre o Rexurdimento Literario no Local da Asociación veciñal do Casco Vello (Cánovas del Castillo, 2-baixo)<br /> a cargo de Xurxo Martínez González<br /> <br />
O xoves 23 de outubro a partir das 20.00 h no Centro Social, Cultural e Recreativo de Beade presentase o terceiro volume da colección Toponimia do Val de Fragoso, correspondente á parroquia de Beade.Este labor de recollida, recuperación e posta en valor da toponimia viguesa é froito da colaboración da Concellaría de Normalización Lingüística e da Área de Normalización Lingüística da Universidade de Vigo.
O Centro de Interpretación da Oralidade de Vigo (CIOV) de Normalización Lingüística organiza os cursos de improvisación oral en verso e narración oral. Os cursos de carácter gratuíto celebraranse de outubro a maio, os mércores e xoves, respectivamente, no IME-Instituto Municipal de Educación
O Centro de Interpretación da Oralidade leva a diferentes recunchos da cidade a palabra viva contada e improvisada: contos, lendas, regueifas, cantos...e o mércores 25 ás 20.00 h na praza da Independencia a Tropa de Trapo vai representar "A viaxe das palabras"
Este sábado no Auditorio Municipal hai unha cita co cine de animación en 3D stop-motion coa proxeccion do film "O Apóstolo" e que programa o Servizo Municipal de Normalización Lingüística Podedes recoller as invitacións no devandito servizo na praza do Rei.
A Concellería de Normalización Lingüística organiza o sábado 31, a partir das 18.00 horas un roteiro toponímico polo polígono de Navia. O roteiro sae do local da asociación veciñal Novo Vigo (As Teixugueiras, 11) e será guiado polas e polos monitores que realizaron diferentes obradoiros sobre a toponimia do lugar nos pasados meses.
No marco do Centro de Interpretación da Oralidade, a concelleira de Normalización, Isaura Abelairas, informou da organización na época estival, e en colaboración co Parque Nacional das Illas Atlánticas, dun "verán regueifeiro", con conferencias, actividades e xogos nas illas Cíes. Contadas, monicreques, música e contos son algunhas das actividades organizadas para público familiar.