Este sábado no Auditorio Municipal hai unha cita co cine de animación en 3D stop-motion coa proxeccion do film "O Apóstolo" e que programa o Servizo Municipal de Normalización Lingüística Podedes recoller as invitacións no devandito servizo na praza do Rei.
A Concellería de Normalización Lingüística organiza o sábado 31, a partir das 18.00 horas un roteiro toponímico polo polígono de Navia. O roteiro sae do local da asociación veciñal Novo Vigo (As Teixugueiras, 11) e será guiado polas e polos monitores que realizaron diferentes obradoiros sobre a toponimia do lugar nos pasados meses.
No marco do Centro de Interpretación da Oralidade, a concelleira de Normalización, Isaura Abelairas, informou da organización na época estival, e en colaboración co Parque Nacional das Illas Atlánticas, dun "verán regueifeiro", con conferencias, actividades e xogos nas illas Cíes. Contadas, monicreques, música e contos son algunhas das actividades organizadas para público familiar.
O Centro de Interpretación da Oralidade de Vigo (CIOV) achéganos a tradición oral da man do alumnado de narración oral do CIOV, dos regueifeiros e regueifeiras Josiño da Teixeira e Bieito Lobariñas e da actuación de Avelino González
Abel Caballero acudiu hoxe xoves a Castrelos, onde o goberno local organizou a I Quedada Literaria 2014 de Vigo e bisbarra, coa participación de medio millar de alumnos, de Infantil a Bacharelato, procedentes de oito centros. A Quedada pecha os obradoiros literarios que organiza o Concello durante o curso e enmárcase na celebración do Día das Letras Galegas, que homenaxea a Díaz Castro.
A edil de Normalización Lingüística, Isaura Abelairas, deu este venres a saída do Correlingua 2014, desde a Praza do Rei ao parque de Castrelos. O Concello colaborou programando a actuación de Maimiñas para os nenos de Infantil e facendo entrega de premios a colexios, xunto á Fundación Celta.
A edil de Normalización Lingüística, Isaura Abelairas, presentou este mércores as actividades a desenvolver en próximas datas desde este departamento. 500 alumnos, de Infantil a Bacharelato, citaranse en Castrelos na mañá do 15 de maio nun "intercambio de experiencias de cara á lectura", como peche dos obradoiros literarios que promove o Concello nos centros escolares durante o curso.
O Servizo de Normalización Lingüística do Concello de Vigo e a Área de Normalización Lingüística da Universidade de Vigo colaboran no concurso "Gústame o galego nos centros de ensino" no que se propón ás e aos estudantes de todos os niveis educativos da cidade e ao alumnado da UVigo que manden microrrelatos, vídeos de rap, contos ilustrados, bandas deseñadas, carteis, viñetas...
Cada 20 de marzo, coincidindo coa chegada da primaveira, celébrase en máis de 25 países o Día Internacional da Narración Oral. O Concello de Vigo a través do CIOV (Centro de Interpretación da Oralidade de Vigo) ten preparado para ese día unha actividade de contadas onde participará o propio alumnado. Terá lugar na Editorial Elvira (rúa de Santiago, 11-Casco Vello Alto), ás 20:00. Tamén participarán as contadoras Ana Carreira e Paula Carballeira.
En febreiro de 2012, O Concello de Vigo declarou o 24 de febreiro (data de nacemento de Rosalía de Castro) como Día de Rosalía de Castro. Para conmemorar esta data e así achegar a poeta, a súa obra e a relevancia que tivo co rexurdir das letras e co alingua galega vanse desenvolver en Vigo distintas actividades ao longo do vindeiro luns.