A concellería da Muller e a Asociación "Feministas Independentes Galegas" convocan o II premio de investigación "Festa da palabra" 2004 co que se pretende mostrar os avances das mulleres nos aspectos sociolóxicos, económicos e culturais, así como a súa contribución á sociedade galega do século XX. O prazo de presentación dos traballo comezou o pasado día 13 de marzo e rematará o 20 de setembro.
A concelleira da Muller, Lucía Molares, deu conta de dous convenio de colaboración que aprobou hoxe a Xunta de Goberno Local con Feministas Independentes Galegas para o II Premio de investigación e co grupo de estudios sobre a condición da muller Alecrín para garantir o libre acceso ó centro de documentación e biblioteca Alecrín.
O Concello de Vigo quere extender na sociedade viguesa unha mensaxe contra a violencia hacia a muller. O vindeiro luns, 8 de marzo, coincidindo co Día Internacional da Muller, o Concello porá en marcha a campaña "Non máis cómplices da violencia contra a muller" coa que pretende que cada sector da sociedade e cada vigués, a título individual, se convirta nun medio de expresión desta campaña.
A Concellería da Muller abríu o prazo da convocatoria de subvencións para o desenvolvemento de actividades que promovan asociacionismo feminino. O presuposto destinado á presente convocatoria de subvencións é de 72.121.45 euros.
O venres, día 6, remata o prazo de inscricións para participar nos cursos do segundo cuatrimestre do programa " O Noso tempo" que organiza a concellería da Muller en colaboración coa vocalía da Federación Veciñas Eduardo Chao e as vocalías e asociacións de mulleres. As actividades van encamiñadas ao fomento do asociacionismo e a participación das mulleres.<br />
A Concellería da Muller pon en marcha os novos cursos do programa "O Noso Tempo" que se celebrarán entre os meses de febreiro a xuño de 2004. O período de inscrición remata o 6 de febreiro. O programa organizase en colaboración coa vocal da Muller da Federación Veciñal Eduardo Chao e as vocalías e asociacións de mulleres que se adheriron ó mesmo.
A Concellería da Muller abre o prazo de inscrición para os cursos sobre "Adestramento da memoria" e "Charlas e tertulias de mulleres" que se impartirán na Casa das Mulleres. Os cursos, de carácter gratuíto, teñen prazas limitadas e o período de inscrición é do 26 de xaneiro ao 13 de febreiro.
A Concellería da Muller abre o prazo de inscrición para os cursos sobre "Adestramento da memoria" e "Charlas e tertulias de mulleres" que se impartirán na Casa das Mulleres. Os cursos, de carácter gratuíto, teñen prazas limitadas e o período de inscrición é do 26 de xaneiro ao 13 de febreiro.
1.475 persoas pasaron pola Casa das Mulleres dende a súa posta en marcha o pasado mes de marzo e segundo se específica na memoria do 2003. As actividades realizadas foron 192. A Casa das Mulleres conta con tres aulas espaciosas, unha oficina e un almacén-arquivo. Nas súas dependencias desenvólvense programas de actividades organizados desde a concellería por diferentes asociacións de mulleres.
Baixo o lema de "Eu non son cómplice" a Concellería da Muller inicia unha campaña contra os malos tratos que pretende convertir este lema nun compromiso de toda a sociedade que se extenda por outras cidades. "Queremos que todos os grupos municipais, institucións e en xeral toda a sociedade asuman a súa responsabilidade. Que a sociedade comprenda que facer oídos xordos é a máis terrible das complicidades frente a un problema que gaña en incidencia cada ano e que este ano xa acabou coa vida de oitenta mulleres", explicou María Xosé Porteiro ao longo da rolda de prensa de presentación.