Caballero recalca a importancia da igualdade ante escolares vigueses

martes, 4 abr 2017

O Auditorio Municipal acolleu este martes unha nova representación do programa municipal "Magas" que achega ao alumnado de primaria a traxectoria de mulleres senlleiras do ámbito artístico, científico, laboral ou deportivo. Os escolares dos CEIP Javier Sensat, García Barbón, Chans Bembrive e Mestres Goldar coñeceron hoxe a historia da pintora Maruja Mallo e antes recibiron o saúdo de Abel Caballero, quen lles lembrou a importancia da igualdade entre os nenos e as nenas para conseguir unha sociedade mellor.

A mocidade viguesa sae á rúa para condenar a violencia de xénero

venres, 25 nov 2016

Arredor de 2.200 estudantes de Secundaria da cidade confeccionaron un tapiz humano na rúa Urzáiz co lema "Desmontando os mitos do amor romántico" para conmemorar o Día Internacional para a Eliminación da Violencia Machista. No acto, o alcalde destacou a importancia de que os máis novos se comprometan contra a violencia de xénero.