O Concello continúa na súa tarefa de loita contra a violencia de xénero e volve convocar cursos de autoprotección para mulleres. A Policía Local e a psicóloga do Centro Municipal de Información dos Dereitos da Muller son os responsables de impartir nove sesións formativas para as que o prazo de inscrición comeza hoxe luns.
O Concello de Vigo celebrou este xoves un Pleno específico do Consello Municipal da Muller con motivo da conmemoración mañá 8 de marzo do Día Internacional das Mulleres. Nove entidades do Consello convidaron á reflexión coa lectura de textos de pensadoras feministas.
Baixo o lema "Loita Feminista. Vivas. Libres. Unidas", o Concello organiza actividades en distintos puntos da cidade co obxectivo de dar visibilidade á muller e de loitar xunto con toda sociedade pola igualdade de dereitos en tódolos ámbitos.
O servizo de Igualdade organiza unha sesión formativa en orientación, educación, instrución e optimización de recursos sobre mulleres, xénero e igualdade. Será o luns 25 de 11:30 a 12:30 horas no Centro de Documentación Feminista, e previa inscrición.
O Centro de Documentación e Recursos Feministas dependente da Concellería de Igualdade do Concello de Vigo vén de presentar o seu programa de actividades que se desenvolverán no dito centro ata o vindeiro mes de abril.Entre as numerosas e diversas actividades atópanse as seguintes: presentacións e faladoiros de libros, club de lectura, visitas escolares, formación de usuarias, etc.
O Centro de Documentación e Recursos Feministas de Vigo (CDRF), dependente do Concello de Vigo, organiza un obradoiro de iniciación á edición en Wikipedia co obxectivo é formar mulleres paraeditar na Wikipedia e Galipedia e que colaboren na incorporación de contidos, reducindo así a brecha de xénero e aumentando o número de mulleres editoras nestas enciclopedias colaborativas.
Na zona peonil do Calvario pódese ver ata o luns 17 uns cubos expositivos que informan das actividades más importantes realizadas polo Consello Municipal da Muller nos últimos 25 anos. Esta acción forma parte das actividades que organiza o Concello con motivo do do 25 aniversario da constitución do CMM.
Hoxe, 4 de decembro, comezan os actos conmemorativos do 25 aniversario da constitución do Consello Municipal da Muller, cunha xornada de convivencia para mulleres, no Hotel Coia. O 2 de decembro de 1993 nace o Consello, como unha iniciativa pioneira en todo o estado e co obxecto de garantir o dereito á participación na vida municipal das cidadás viguesas como colectivo social.
Isabel López, do colectivo Escola de Mulleres Solidarias e no nome do Consello municipal da muller, deu lectura este mércores no Pleno da Corporación a unha declaración institucional polo Día internacional da eliminación da violencia contra a muller.
Vigo adiantará ao día 23 a conmemoración do Día Internacional da eliminación das violencia contra a muller recuperando o xa tradicional Enlaza Vigo. Nesta ocasión, será o pavillón de As Travesas o que albergue o tapiz humano que formarán uns 2.000 estudantes de secundaria.