martes, 4 abr 2017
O Auditorio Municipal acolleu este martes unha nova representación do programa municipal "Magas" que achega ao alumnado de primaria a traxectoria de mulleres senlleiras do ámbito artístico, científico, laboral ou deportivo. Os escolares dos CEIP Javier Sensat, García Barbón, Chans Bembrive e Mestres Goldar coñeceron hoxe a historia da pintora Maruja Mallo e antes recibiron o saúdo de Abel Caballero, quen lles lembrou a importancia da igualdade entre os nenos e as nenas para conseguir unha sociedade mellor.
mércores, 8 mar 2017
Un pleno monográfico do Consello da Muller, un paro entre as 12,00 e as 12,30 h e un acto sobre igualdade no deporte son algunhas das iniciativas coas que o Concello se sumou hoxe á celebración do Día Internacional da Muller.
mércores, 1 mar 2017
O 8 de Marzo é "o día de establecer os compromisos que se teñen que manter os 365 días do ano", asegurou o alcalde de Vigo na presentación do programa de actividades (do 6 ao 17 de marzo) elaborado polo Consello Municipal da Muller, e entre os que destacan un recital de poesía e a proxección de filmes e documentais.
luns, 26 dec 2016
A Concellería de Igualdade convida a asistir ás seguintes proxeccións de cine infantil os días 27 e 28 de decembro no auditorio municipal.
luns, 19 dec 2016
Na Praza do Rei, Vigo amosou hoxe luns a súa "condena total e absoluta", en verbas de Abel Caballero, polo "terrible asasinato" esta fin de semana en Vigo dunha moza de 25 anos na Avenida de Madrid, presuntamente a mans da súa exparella. O alcalde decretou tres días de loito e reiterou o compromiso vigués contra as violencias machistas.
xoves, 15 dec 2016
AConcellería de Igualdade do Concello de Vigo, convidá a asistir ás proxeccións de curta seleccionadas polo festival Cortoespaña os dias 16 e 29 de decembro no Auditorio Municipal
luns, 12 dec 2016
O alcalde entregou este luns os diplomas da última edición destes cursos de defensa persoal que imparte a EVAP, unidade específica da Policía Local, co fin de que adquiran "adestramento e autoestima".
venres, 25 nov 2016
Arredor de 2.200 estudantes de Secundaria da cidade confeccionaron un tapiz humano na rúa Urzáiz co lema "Desmontando os mitos do amor romántico" para conmemorar o Día Internacional para a Eliminación da Violencia Machista. No acto, o alcalde destacou a importancia de que os máis novos se comprometan contra a violencia de xénero.
mércores, 23 nov 2016
2.500 alumnos e alumnas de Secundaria darán vida o próximo 25 de novembro ao tapiz humano que cubrirá os arredores do Farol de Urzáiz. "Desmontando os mitos do amor romántico" é o lema co que o Concello conmemorará este ano o Día Internacional contra a violencia machista.
venres, 21 out 2016
A Concellería de Igualdade organiza os días 4 e 5 de novembro unhas Xornadas, que baixo o título "Unidas contra as violencias machistas" tratarán sobre a Violencia de Xénero.