A alcaldesa visitou hoxe xoves a parroquia de Beade para coñecer o estado das obras que se están a realizar dentro do convenio de actuación da Deputación. As actuacións do Concello nesta parroquia desde xaneiro de 2004 supuxeron un investimento de máis de 1,2 millóns de euros.
Corina Porro e Rafael Louzán asistiron á presentación destas obras que contarán cun orzamento de 2.631.884 euros e comezarán esta semana, sendo o seu prazo de execución dun ano.
A alcaldesa, Corina Porro, e o vicepresidente primeiro da Xunta e conselleiro de Política Territorial, Alberto Núñez Feijóo, presentaron en Vigo a proposta deste último de implantar unha liña de metro na nosa cidade, co ano 2009 como horizonte.
A alcaldesa, Corina Porro, estivo hoxe venres en Matamá para facer un repaso ás actuacións que o seu goberno realizou no último ano e medio nos distritos 5 e 8 e anunciar novas obras nesta área, que comprende as parroquias de Beade, Bembrive, Castrelos, Freixeiro, Matamá, Valadares, Zamáns e San Andrés de Comesaña.
A Xunta vaille propor ao Ministerio de Fomento converter a autoestrada do Atlántico entre Vigo, O Morrazo e Pontevedra en autovía libre de peaxe e executar a estrada Vigo-Pontevedra, comprometida no Plan Galicia, como autoestrada con tarifa plana.
Corina Porro, López Peña e Alberto Núñez Feijóo, ademais de numerosos políticos locais, asistiron á colocación da primeira pedra do vial que conectará o polígono de Balaídos co norte (Santiago-Coruña) e o sur (Tui-Portugal) de Galicia, ademais do Parque Tecnológico de Valladares.
Corina Porro e Alberto Núñez Feijóo asinaron hoxe os dous primeiros convenios do investimento previsto pola Xunta na cidade de Vigo e que ascendería a 19 millóns de euros. Os dous que se produciron hoxe atañen á ampliación e urbanización da rúa Pedro Alvarado e a reconstrucción da pérgola de Jenaro de la Fuente en Bouzas.
Os alcaldes de Vigo, Ourense, Pontevedra e Ferrol fixeron pública esta mañá en Vigo unha declaración conxunta na que demandaron para finais desta década conexións rápidas entre Galicia, Portugal e a Meseta e entre as distintas cidades galegas. Os rexedores manifestaron a súa preocupación pola "indefinición" das características e prazos de execución da rede de alta velocidade galega.
Trala lectura das peticións do Concello por parte da alcaldesa, Manuel Fraga ratificou o seu compromiso coa cidade de Vigo, da que se definiu como "aliado fiel e incondicional".
Corina Porro, xunto co director xeral de Aqualia, Fernando Moreno, e o concelleiro de Servicios Xerais, José Manuel Iglesias, visitaron esta mañá as obras do peche da rede perimetral de abastecemento de Valladares.