mércores, 10 xul 2013
Durante a Comisión Permanente do Congreso dos Deputados que se celebrará mañá en Madrid, Carmela Silva,esixirá ao ministro de Economía información sobre a situación das preferentes, ao tempo que reclamará procesos de arbitraxe para o 100% dos afectados. Tamén reclamará explicacións polo "acoso" con sancións que están a sofrir estes manifestantes coas actuacións nas que reclaman os cartos que lles estafaron.
martes, 9 xul 2013
Abel Caballero e os representantes das centrais sindicais mantiveron hoxe martes un encontro con máis dun centenar de persoas do mundo do deporte para recabar o seu apoio en defensa do naval e que non haxa que devolver atrasos. Nunha rolda de prensa posterior, o rexedor trasladou a "espléndida" mobilización de todos os colectivos da cidade en torno ao naval.
luns, 8 xul 2013
Abel Caballero presidiu esta tarde o Consello Social convocado para aunar posturas sobre a defensa do naval. A resolución conxunta advirte de que non se pode concebir esta cidade sin o sector naval funcionando a pleno rendemento. Todos os membros coincidiron en respaldar a manifestación que se celebrará o xoves 11 de xullo ás 20,00 h con saída na Praza de España.
venres, 28 xuñ 2013
O alcalde deu conta hoxe venres da aprobación da convocatoria de selección e contratación de 122 desempregados mediante a segunda fase do VigoEmprega, parte do Plan de Emprego do Concello. Outros 101 traballadores procedentes do Servizo Galego de Contratación xa foron contratados na primeira fase do programa.
xoves, 20 xuñ 2013
O alcalde deu conta hoxe xoves dun convenio coa Rede de Mulleres Veciñais contra os Malos Tratos que permitirá a contratación de sete persoas durante sete meses. A subvención é de 50.000 euros e está incluida no Plan de Emprego 2013.
martes, 18 xuñ 2013
O alcalde trasladou este martes aos sindicatos a súa "enorme preocupación" pola posibilidade de que Europa obrigue á devolución de parte dos beneficios fiscais recibidos polo naval vigués en virtude do anterior tax lease. Caballero esixíu unha marcha común en Bruxelas contra unha decisión que podería ser "fatal".
luns, 17 xuñ 2013
O alcalde de Vigo fixo entrega este luns dos diplomas acreditativos dos cursos realizados por 120 participantes do obradoiro municipal de emprego "Vigo Laborando", dos que 61 persoas asinaron un contrato de traballo. Este programa vai dirixido a mellorar a ocupabilidade e a inserción laboral dos desempregados.
venres, 14 xuñ 2013
O alcalde anunciou este venres a adxudicación por concurso público de 1.325.000 euros do Plan de Emprego do Concello deste ano, que permitirá que 57 entidades beneficiarias poidan contratar entre 250 e 300 persoas. O total de postos de traballo creados co Plan de Emprego municipal podería rondar os 600.
xoves, 13 xuñ 2013
Abel Caballero resaltou hoxe a Vigo como "a gran capital centro dun territorio de 6 millóns de habitantes, entre A Coruña e Oporto. Tal e como dixo en rolda de prensa, a Xunta de Galicia debería ter en conta que "a competencia ao aeroporto do norte de Portugal hai que facela desde esta cidade".
xoves, 6 xuñ 2013
O alcalde fixo entrega este xoves dos diplomas acreditativos da formación e contratación a 103 persoas pola Federación Provincial de Hostelería, cos 150.000 euros aportados polo Concello para emprego. Abel Caballero subliñou que, aproximadamente, o 70% dos participantes teñen hoxe un posto de traballo.
