O alcalde deu conta esta mañá da contratación doutros 74 traballadores no marco do programa Vigo Emprega II, dotado con 1,5 millóns de euros. Esta iniciativa municipal permite darlle traballo durante seis meses a 215 desempregados.
Os Coidadores de barrio empezarán a atender a veciños da zona máis antiga de Coia a partir, a que está próxima ao centro de saúde e a gasolineira-, segundo explicou hoxe xoves o alcalde. Deste xeito, este barrio súmase a outros 5 que xa eran atendidos por estes profesionais: Casco Vello, Calvario, Teis, Travesas e Bouzas.
Abel Caballero informou este mércores de que a Xunta de Goberno Local do próximo venres aprobará a convocatoria dunha bolsa de emprego para nomear persoal interino no Concello por un prazo de 6 meses. Os que resulten contratados desenvolverán tarefas de carácter administrativo e social, segundo apuntou o alcalde.
Caballero asistiu este xoves aos actos do 60 aniversario da Asociación Sindical de Representantes de Comercio, onde eloxiou a "labor de vertebración da cidade" que realizan co seu traballo e subliñou a "cooperación" existente co goberno local.
O alcalde deu conta esta mañá da licitación do contrato para a realización dun estudo do posicionamento estratéxico da cidade. Así o decidiron os membros do Padroado da Fundación Provigo nunha reunión na que se constatou a boa saúde das contas da entidade.
O alcalde, a tenente de alcalde e o concelleiro de Comercio, entre outras autoridades, asistiron este xoves á apertura do novo establecemento da cadea de supermercados na Avenida Florida 108, que emprega a 42 traballadores e, xunto ao Lidl aberto nun espazo anexo, actuarán como un "complemento vital ao desenvolvemento desta zona", en verbas de Caballero.
Abel Caballero afirmou que as XVIII Xornadas de Outono, "da maior importancia", reúnen en Vigo a expertos en dereito laboral de toda España para analizar a merma dos dereitos dos traballadores durante a crise. O alcalde amosouse "encantado" de apoiar o evento por ser "un berro dos profesionais en favor dos dereitos dos traballadores".
A Xunta de Goberno Local deu este venres luz verde ao proxecto de colaboración con PSA Peugeot Citroën, segundo o cal o Concello achega 300.000 euros para a contratación de 60 persoas. O alcalde informou tamén da adxudicación das axudas municipais á creación de empresas, por importe de 150.000 euros e 135 empregos creados.
O alcalde deu conta esta mañá da creación de 922 postos de traballo coas accións directas do Plan de emprego, unha cifra á que hai sumar os preto de 2.000 que xeran as políticas keynesianas. Así o explicou hoxe mércores, nun día no que se entregaron 55 diplomas da 5ª edición do Imos traballar 2.
O alcalde visitou hoxe mércores ao equipo que atende ao Calvario, un total de 6 profesionais dos 49 coidadores que traballan tamén no Casco Vello, Teis, Bouzas e no entorno das Travesas. O goberno de Vigo adica case 950.000 euros a este programa de proximidade e atención social.