Abel Caballero recibiu este mércores aos responsables da cadena de alimentación, quenes lle expuxeron que o seu proxecto comercial en Vigo ten "unha vida moi saudable", en verbas do rexedor, e que "agardan abrir o próximo ano, e moi pronto, a súa nova tenda en Pizarro".
Os mercadiño de Coia e Bouzas arrancarán a principios do mes de agosto -primeiro comezará a funcionar o de Coia-, baixo a supervisión do Concello. Así llo trasladou Caballero aos representantes dos veciños e dos comerciantes de Bouzas cos que hoxe mantivo un encontro na Alcaldía.
O rexedor trasladou esta mañá a súa "total cooperación e o diálogo permanente" con Aclunaga (Asociación del clúster naval gallego) e avanzou plans de formación que o Concello poderá implementar en cooperación co sector. Esta mañá mantiveron un encontro na Alcaldía para analizar a situación desta industria en Vigo e en Galicia.
O alcalde de Vigo trasladou esta mañá aos membros do comité de empresa de Vulcano, cos que mantivo un encontro, toda a "súa cooperación para espertar ás administracións do seu letargo". En rolda de prensa, esixiu á Xunta de Galicia e ao Goberno de España a actuar porque "é imprescindible salvar o sector naval de Vigo".
Abel Caballero participou este venres no consello extraordinario do Porto de Vigo convocado pola saída da cidade dun importante volume de contedores de Maersk. O rexedor vigués advirte dunha perda de eficiencia e competitividade polo incremento de custos e pide sentarse a falar coa compañía danesa.
Despois de asinar este xoves un convenio que permitirá á Rede de Mulleres Veciñais contra os Malos Tratos contratar a catro persoas, o alcalde de Vigo estimou que o Concello xerará este 2016 uns mil postos de traballo co plan de emprego municipal. Abel Caballero recordou ademais que o investimento do seu goberno en igualdade e prevención da violencia de xénero ascende a 1,2 millóns.
Abel Caballero celebra como "moi boa noticia" que se garanta o avance de Citroen e que se "resolva" o problema derivado da anulación do PXOM que non permitía á factoría consolidar o proxecto da furgoneta K9. Zona Franca solicitou ao Concello o informe para poder aplicar a reforma da Lei do Solo a eses terreos, un informe que será "preceptivo e vinculante" e que se resolverá positivamente.
A Xunta de Goberno Local aprobou este venres a convocatoria e as bases reguladoras das subvencións para a creación de postos de traballo en entidades sen ánimo de lucro para este ano 2016, amais de dar o visto e prace á contratación dos servizos de promoción e divulgación dos xacementos arqueolóxicos do Castro e de Toralla. Tamén se aprobou o convenio coa Asociación Casco Vello de Vigo para a organización da Festa da Reconquista por un importe de 40.000 euros.
O alcalde de Vigo e presidente da FEMP valorou a "fortísima desautorización" do Tribunal Constitucional ao anular parte da reforma impulsada polo goberno de Rajoy da lei local e volve solicitar a súa derrogación. Caballero saudou en particular que o TC avale as competencias municipais en política social e asistencial.
O alcalde destaca a "paixón" de Vigo polo mar durante a presentación da entrega dos premios que concede a Fundación Biamar recoñecendo o labor das persoas e entidades que traballan no mar, e que escolleu a Vigo como anfitrioa por primeira vez para esta cerimonia. O acto será esta noite no Auditorio do Mar.