O rexedor inaugurou hoxe luns unha xornada de difusión nacional do proxecto Safe Fishing que a Cooperativa de Armadores organizou esta mañá no Edifico de Sesións da Autoridade Portuaria. Ao longo do encontro púxose en valor unha ferramenta formativa baseada no uso das TIC para a Prevención dos Riscos Laborais e Promoción da Seguridade no sector da pesca de arrastre.
O rexedor deu conta esta mañá do novo papel que vai exercer na cidade a Fundación Provigo como foro de debate e xeración de ideas sobre os sistemas produtivos en Vigo. O obxectivo é atraer a máis empresas participantes para o que se van reducir drasticamente as taxas para os socios.
Os responsables da empresa presentáronlle este venres a Abel Caballero o seu proxecto industrial na cidade, que inclúe a modernización dun inmoble en Vigo. O alcalde amosou o seu agrado pola proposta e desexoulles o mellor: "gústame cando a economía se fai tamén con criterio cidade".
A Asociación de Comerciantes da Zona Centro de Príncipe poderá empregar cinco profesionais que fomentarán o comercio e mellorarán a súa integración laboral. Tamén se aprobou a adxudicación provisional de nove quioscos nas praias do Concello e un convenio de 16.000 euros cos Mariñeiros Artesanais de Bouzas.
A cita gastronómica desenvólvese dende este xoves e ata o domingo na Estación Marítima de Vigo con degustacións, master class e exhibicións de tiraxe de cervexa. Na presentación do evento, Abel Caballero puxo en valor o papel da restauración na economía da cidade.
Os comerciantes Mercado do Progreso celebraron este venres o seu primeiro ano de actividade dende a reapertura das instalacións cun acto ao que se sumou Abel Caballero que quixo felicitalos polo labor desenvolvido neste tempo. Destacou, especialmente, o seu labor de promoción da gastronomía de Vigo e a nova forma de entender o mercado como un foco de atracción turística na cidade.
O goberno de Vigo vén de aprobar as bases e a convocatoria do programa municipal de axudas á contratación e mellora do emprego da mocidade viguesa, tal e como informou este xoves Abel Caballero. O Concello incentiva tanto a nova contratación como a transformación de contratos temporais en indefinidos.
Abel Caballero explicou este venres que a Xunta de Goberno Local vén de aprobar as bases e convocatoria do programa de axudas municipais á creación de empresas constituidas entre abril de 2016 e marzo deste ano. Na edición anterior, 27 compañías beneficiáronse deste programa.
O alcalde explicou que ao orzamento dedicado á xeración de postos de traballo de forma directa, de 5,4 millóns de euros, hai que sumar o emprego que crean as humanizacións que se realizan na cidade e que supoñen un investimento de 25 millóns de euros.
O concelleiro e deputado provincial Santos Héctor participou esta mañá na presentación da terceira edición do Atlante Wine Forum 2017 que se desenvolverá en Vigo o próximo luns 17 de abril. Organizado polo Instituto Galego do Viño, a sede de Afundación acollerá unha xornada de encontro, formación e traballo conxunto dos profesionais do viño que desenvolven a súa actividade no noroeste de España e no norte de Portugal.