luns, 2 out 2017
O alcalde participou hoxe luns na apertura do Congreso Internacional organizado pola FAO e Conxemar e que nesta sexta edición abordará o cambio climático e os seus efectos na pesca mariña, na acuicultura e no comercio. Diante de autoridades de 20 países do mundo, ademais de empresarios e investigadores, Caballero explicou que este tipo de foros son os que deben axudar a buscar fórmulas para combater "o que xa nos está a pedir o planeta"<br />
xoves, 31 ago 2017
O alcalde e Alberto Gonçalvez, secretario comarcal da CIG, asinaron este xoves un convenio de colaboración por un importe de 15.000 euros para apoiar o labor que realiza o sindicato que é "importantísimo" para defender aos traballadores. Caballero manifestou que desde que asumiu a alcaldía mantén unha liña de apoio aos tres sindicatos da cidade: UXT, CCOO e CIG porque son "imprescindibles á marxe das concomitancias políticas que teñamos". <br />
xoves, 27 xul 2017
Abel Caballero e a secretaria comarcal de CCOO, Amelia Pérez, asinaron hoxe xoves un acordo de colaboración por importe de 15.000 euros. O obxectivo deste acordo -que tamén se asina con UXT e CIG- é cooperar caos actividades da entidade dada a importante labor que realizan en favor dos e das traballadoras. <br />
xoves, 27 xul 2017
A través da subvención do Fondo Social Europeo co que se formarán preto de 200 mozos vigueses de entre 16 e 30 anos en diferentes modalidades. Amais, o alcalde anuncia a próxima cubrición do patio do CEIP Virxe do Rocío, cun orzamento municipal de 275.000 euros e a sinatura de convenios por valor de 73.000 euros.
venres, 21 xul 2017
O alcalde, Abel Caballero, rubricou este venres un convenio coa Asociación de Jóvenes Empresarios segundo o cal o Concello achega 3.600 euros á entidade para colaborar cos gastos do seu local e apoialos nas súas actividades, como son a realización de obradoiros, a aula de emprendedores e charlas networking.
xoves, 20 xul 2017
Caballero anunciou este xoves a consecución dunha subvención europea de case que un millón de euros para o programa municipal de emprego xuvenil. O alcalde amosou a súa satisfacción pola axuda concedida pois significará formación e ingresos para a mocidade viguesa e poder "seguir facendo máis emprego, que é o noso obxectivo".
mércores, 12 xul 2017
O alcalde asinou este mércores convenios coa Federación de Peñas el Olivo, Agarimo, a asociación Fonte do Galo, a Asociación de Mariñeiros artesanais e deportivos de Bouzas, FEAFES, Anhida, a AAVV Monte da Mina e Centro Príncipe.
xoves, 6 xul 2017
Os responsables da empresa viguesa presentaron este xoves ao alcalde a súa bicicleta eléctrica, xestada, deseñada e producida na cidade de Vigo. Caballero saudou un proxecto impulsado por enxeñeiros vigueses e desexoulles sorte na saída ao mercado dunha bicicleta "revolucionaria" con cen quilómetros de autonomía.
martes, 4 xul 2017
Segundo informou este martes o alcalde, o goberno vigués aprobou o plan de emprego en apoio a entidades sen ánimo de lucro, un millón de euros en total para empregar a 200 profesionais en ata 63 organizacións beneficiarias.
venres, 30 xuñ 2017
O Concello pon en marcha a segunda quenda de VigoEmprega que, cun orzamento de 658.706,81 euros, permitirá contratar 94 traballadores. Estes profesionais comezarán a desenvolver a súas tarefas a partir do 1 de outubro en distintos servizos municipais.
