Abel Caballero cualificou esta mañá aos coidadores de barrio "como rostros amigos e amables que axudan e acompañan á xente" en distintos barrios da cidade. Logo de facer unha visita aos profesionais que cooperan no Casco Vello, o alcalde amosou a súa vontade de ampliar un proxecto que, ademais, emprega a 54 persoas cun orzamento de 540.000 euros.
O alcalde e o director de PSA Peugeot Citroën Vigo, Frederic Puech, asinaron este venres un convenio de colaboración para o fomento do emprego por un importe de 300.000 euros que, segundo explicou Caballero, se destinarán á contratación de 60 persoas, menores de 30 anos preferentemente, co único requisito de estaren empadroados na cidade porque "é un plan de emprego de Vigo", recalcou. Así, establécese unha axuda municipal de 5.000 euros por posto contratado durante un período mínimo de 6 meses.
O Vigo emprega 2017 estará dotado de 1,5 millóns e permitirá contratar a 230 persoas durante seis meses, explicou esta mañá Abel Caballero. Os primeiros beneficiarios deste programa municipal empezarán a traballar no mes de marzo.
Abel Caballero achegouse esta mañá de xoves á entrega de premios do III Concurso de Tapas de Torrecederia no que esta ano participaron dez establecementos da zona. O rexedor defendeu a eficacia da organización deste tipo de eventos para dinamizar a hostalaría e o comercio.
O alcalde de Vigo eloxiou o proxecto empresarial que está a desenvolver internacionalmente BorgWarner, unha iniciativa convertida "nun dos referentes da automoción en Vigo", que xera "enorme orgullo" na cidade. Así o dixo durante unha visita ás intalacións para coñecer a ampliación da área de I+D na que tamén estiveron presentes o presidente da Xunta, Alberto Núñez Feijóo, o presidente e director xeral de BorgWarner Emissions Systems, Brady Ericson, ademais do vicepresidente de Enxeñaría Global de BorgWarner, Carlos Castaño.
Os distintos programas e iniciativas de emprego que o Concello puxo en marcha durante 2016 permitiron crear entre 650 e 700 postos de traballo. Así o explicou o rexedor durante unha visita aos alumnos-traballadores do programa Vigo prepara, que conta con 15 participantes.
O alcalde asistiu esta mañá á xornada organizada polo movemento "Impulsando PEMES", que se celebrou no MARCO de Vigo, na que eloxiou ás empresas e start ups viguesas que desenvolven con éxito os seus proxectos nun mercado moi competitivo. No encontro, directivos de grandes compañías trasladan a súa experiencia de éxito aos participantes amosándolles as claves para impulsar e mellorar o seu negocio.
A factoría viguesa inaugurou este mércores unha nova nave no Polígono Industrial de Balaídos destinada a almacenamento e aparcamento de vehículos, nun acto no que Abel Caballero puxo en valor a competitividade da empresa e a súa capacidade de xeración de emprego en Vigo e Galicia. <br />
A Xunta de Goberno Local vén de aprobar a proposta de outorgamento das subvencións para o fomento do asociacionismo e a participación cidadá que contribuirán ao labor que desenvolven 35 entidades.
Abel Caballero informou da aprobación na Xunta de Goberno Local das axudas á contratación da xuventude viguesa cun importe próximo aos 100.000 euros para empregar a 40 persoas e tamén o convenio cos comerciantes de Príncipe para crear seis postos de traballo. Ademais, prorrogouse o convenio do Consorcio Galego de Benestar que atende a 120 persoas do programa "Xantar na Casa".