O alcalde reiterou esta mañá o apoio do goberno local para que Vigo lidere o Blue Fish, un proxecto europeo de pesca sostible. Así o explicou esta mañá logo de manter un encontro con responsables de Fundamar, Fundación para a pesca e o marisqueo.
O rexedor deu conta hoxe da aprobación do proxecto "Vigo polo emprego e a mocidade" e do obradoiro de emprego "Vigo capacita IV" que formará en especialidades de cociña e hostalería a mozas e mozos da cidade. Tamén saíron adiante as bases das subvencións municipais para festas e actividades socioculturais.
A saída a crise da estiba ten que abordarse desde unha mesa de negociación a tres bandas (traballadores, empresas e Goberno Central) na que non pode haber posicións inflexibles. Así o dixo esta mañá o rexedor logo de manter un encontro co comité de empresa da colla do Porto de Vigo.
O alcalde asistiu á apertura das Xornadas da Comisión Europea de Sindicatos, que abordarán a súa acción internacional coordinada no sur de Europa para manter un posicionamento común e evitar medidas depresivas dos salarios e das condicións de traballo indebidas. Caballero celebrou que o encontro se realizara na cidade contando coa presenza dos secretarios xerais de CCOO e UXT e representantes portugueses de "altísimo nivel" e reclamou acción sindical para evitar o dumping. <br />
No acto de presentación da décimo sétima edición do evento, o próximo venres 24 de febreiro na terminal de cruceiros, o alcalde de Vigo invitou á cidadanía a achegarse a un Salón de "referencia" que será un "éxito asegurado" ao contar con máis de 200 firmas representadas.
Abel Caballero abordou cos responsables de CONXEMAR a ampliación do Recinto Feiral co obxectivo de que estea operativa o próximo outono. Segundo explicou, unha vez que a Xunta de Galicia envíe o proxecto ao Concello, realizarase a expropiación das parcelas que son propiedade da Comunidade de Montes de Cabral da que agarda cooperación no proceso.
O alcalde informou este venres da aprobación da convocatoria de selección dos beneficiarios do plan municipal "Vigo Emprega", que, na súa primeira quenda, contratará a 128 profesionais -de colectivos con difícil inserción laboral- para realizar traballos na cidade.
Abel Caballero cualificou esta mañá aos coidadores de barrio "como rostros amigos e amables que axudan e acompañan á xente" en distintos barrios da cidade. Logo de facer unha visita aos profesionais que cooperan no Casco Vello, o alcalde amosou a súa vontade de ampliar un proxecto que, ademais, emprega a 54 persoas cun orzamento de 540.000 euros.
O alcalde e o director de PSA Peugeot Citroën Vigo, Frederic Puech, asinaron este venres un convenio de colaboración para o fomento do emprego por un importe de 300.000 euros que, segundo explicou Caballero, se destinarán á contratación de 60 persoas, menores de 30 anos preferentemente, co único requisito de estaren empadroados na cidade porque "é un plan de emprego de Vigo", recalcou. Así, establécese unha axuda municipal de 5.000 euros por posto contratado durante un período mínimo de 6 meses.
O Vigo emprega 2017 estará dotado de 1,5 millóns e permitirá contratar a 230 persoas durante seis meses, explicou esta mañá Abel Caballero. Os primeiros beneficiarios deste programa municipal empezarán a traballar no mes de marzo.