A Pinacoteca Municipal, a Casa das Artes e a Casa Galega da Cultura abrirán este 18 de outubro de 10 a 14 horas en horario de mañá e de 17 a 21 horas de tarde, aproveitando a escala en Vigo do maior crucero do mundo. Esta decisión do goberno local súmase ás actividades culturais, turísticas e lúdicas xa programadas para este sábado.
O alcalde e o concelleiro de Cultura participaron este mércores na presentación da 22ª edición destas xornadas, a celebrarse no Auditorio Municipal do Concello do 21 ao 23 deste mes, en horario de tarde e con entrada gratuíta. Caballero subliñou que esta cita conseguiu ter "presencia perenne no debate social da cidade".
O alcalde participou este mércores na inauguración da exposición "Manuel Gómez Román. Arquitecto e galeguista. Unha ollada desde a Casa Galega da Cultura", mostra organizada pola Fundación Penzol por mor dos 50 anos do pasamento dunha das figuras máis importantes da arquitectura galega. A exposición, aberta ata o 20 de novembro.
Este mércores día 15 de outubro, ás 12:00 h, inaugúrase na sala de exposicións da Casa Galega da Cultura (praza da Princesa, 2) a mostra "Manuel Gómez Román. Arquitecto e galeguista. Unha ollada desde a Casa Galega da Cultura", organizada pola Fundación Penzol en colaboración coa Concellería de Cultura e Festas e maila Editorial Galaxia, con motivo do 50ª aniversario do seu pasamento.
Este sábado, 11 de outubro, ás 12:00 h, inaugúrase na Pinacoteca Municipal "Francisco Fernández del Riego" (r/ Abeleira Menéndez, 8) a exposición "Mario F. Granell. Morte e reencarnación dun pintor galego", conmemorativa do centenario do seu nacemento. A exposición é unha produción da Concellería de Cultura e Festas, comisariada por José Ballesta de Diego, director do Museo Municipal "Quiñones de León" do Pazo de Castrelos.
Caballero avanzou esta mañá a súa presencia no fallo dos Premios da Crítica Galicia. Logo de manter esta mañá un encontro coa directiva da organización, reiterou a cooperación e o compromiso con este "importante" evento da cultura de toda Galicia.
O venres día 3 comeza a programación municipal de artes escénicas, Vigocultura, no Auditorio Municipal, coa obra "Odeim" da compañía Cienfuegos Danza. A obra comezará ás 21:00h, e o prezo das entradas é de 8€; as entradas están á venda anticipada en servinova.com, no tlf 902.504.500 e na Central de Espectáculos, así como no despacho de billetes do auditorio dende unha hora antes.<br /> <br />
A Casa das Artes acolle ata o 12 de outubro a exposición das obras do XIX Maratón Fotográfico de Vigo que se celebrou, dentro da programación das Festas de Veran os pasados días 2 e 3 de Agosto.
O rexedor deu conta esta mañá o éxito do Certame de Relatos Cortos Vigo Histórico que na súa primeira edición recibiu 161 textos. Organizado pola Federación de Comercio Vigo Histórico e a Editorial Elvira, este concurso literario rematará cun libro que recollerá todos os traballos presentados.
O alcalde, Abel Caballero, e o concelleiro de Cultura, Cayetano Rodríguez, presentaron este mércores os espectáculos de Vigocultura para o último trimestre do 2014, o ano con máis programación estable no recinto municipal desde 2009, segundo salientaron. O goberno de Vigo programa teatro, danza, música e circo para públicos de todas as idades.