O auditorio do parque de Castrelos acolle o mércores 23 de xullo ás 21 horas o VII Festival de Orfeóns de ACOPOVI dentro do programa de "Vigo en Festas 2014". Trátase dun espectáculo lírico das corais de Vigo; a entrada é libre ata completar aforo.
O Concello colabora na segunda edición de VIKUL, o Encontro Internacional de Danza Urbana de Vigo, que se celebrará no Verbum (Avenida de Samil, 17), entre os días 18 e 20 de xullo. Clases maxistrais de artistas nacionais e internacionais compartirán cartel con actuacións na rúa, obradoiros de danza e graffiti para os máis pequenos e un gran flashmob de peche.
O Concello de Vigo e os organizadores de O MARISQUIÑO teñen programado unha ampla axenda cultural que se desenvolverá paralelamente á celebración do evento de cultura urbana máis importante de España. O rexedor destacou que nos días 8, 9 e 10 de agosto a cidade volverá a ser un referente europeo neste ámbito.
O Concello ten á venda desde hoxe luns as entradas para os concertos de Malú e de Jamie Cullum, que terán lugar no Auditorio ao aire libre de Castrelos os días 29 de xullo (22:30 h) e 8 de agosto (23:00 h), respectivamente, e que se inclúen no programa VIGO EN FESTAS 2014.
Durante o mes de xullo, el MARCO retoma os seus talleres de verán para público infantil e familiar, que nesta ocasión se centran na exposición ‘EIDOS DA IMAXE EN. Grafías dos feitos e do pensamento’. Inaugurada a principios de xuño nas salas do primeiro andar, este proxecto expositivo mostra como artistas e investigadores comparten a necesidade de obter resolucións gráficas e figurativas dos acontecementos ou dos feitos físicos do mundo.
O alcalde exerceu este martes de padriño na apertura deste proxecto conxunto que comeza no ano que a banda de gaitas conmemora tres décadas de traxectoria. Un concerto, o 26 de xullo na Porta do Sol, servirá para celebrar os 30 anos de Xarabal e esta nova etapa.
Xunto aos organizadores, o alcalde presentou este luns a segunda edición de VIKUL, o Encontro Internacional de Danza Urbana de Vigo, que se celebrará no Verbum entre os días 18 e 20 de xullo. Clases maxistrais de artistas nacionais e internacionais compartirán cartel con actuacións na rúa, obradoiros de danza e graffiti para os máis pequenos e un gran flashmob de peche.
A última xornada de Imaxina Sons o sábado 5 de xullo comeza á unha do mediodía e remata á unha da madrugada. Unha xornada completa que arranca con "Jazz fóra de lugar" na rúa de Londres e finaliza con "Jazz na noite" no club Xancarajazz. No medio, dous pratos fortes: Lucia Martínez Berliner Projekt AzulCielo no Auditorio Municipal do concello ás 21h e, despois, na praza da Constitución ás 23h, Riverside Quartet, a formación liderada polo trompetista Dave Douglas e o saxo Chet Doxas en tributo á música de Jimmy Giuffre.
Para diversos públicos e distintas preferencias. Así se formula a xornada Imaxina Sons o venres 4 de xullo. Unha xornada que comeza ás 13h co concerto "Os Superhércules", dirixido a público infantil e familiar, que ten lugar na rúa de Londres con entrada de balde. A música do pianista alemán Michael Wollny chega ao Auditorio Municipal do concello ás 21h e o día remata na praza da Constitución co concerto "Quincy Jones presenta a Alfredo Rodríguez".
Comezan os concertos de Imaxina Sons na Praza da Constitución o xoves 3 de xullo e arrancan co proxecto especial do grupo Sumrrá para a décima edición do festival. Subirán ao escenario ás 23h con convidados: a cantora Iria Peña, o guitarrista de Os Suaves Alberto Cereijo, DJ Mil e o cuarteto de corda vigués Suelen Estar Quartet. Antes, ás 21h, o contrabaixista portugués Hugo Carvalhais actúa no Auditorio Municipal do concello (praza do Rei).