Abel Caballero deu conta esta mañá da aprobación dun convenio de colaboración por importe de 37.000 euros co Instituto de Estudios Vigueses. Na mesma sesión de Xunta de Goberno Local tamén se aprobou a adxudicación de 40.525 euros para entidades sociais, sen ánimo de lucro.
O alcalde de Vigo avanzou que o Concello xa ten seleccionadas unhas 150 medianeiras en toda a cidade para ser cubertas con pintura mural. Logo de presenciar esta mañá o inicio dos traballos de pintura da parede dun edificio en Príncipe na que vai lucir unha lona que reproduce a obra Fiestra do artista Urbano Lugrís.
O parque de Navia acolle os días 22, 23 e 24 de agosto, a terceira edición de "Vicus Spacorum" , festa de recreación da época romana con diferentes actividades culturais. O evento forma parte do programa de Vigo en Festas 2014.
O alcalde mantivo hoxe xoves unha reunión cos responsables da entidade, que teñen un "compromiso con Teis excepcional", polo que lles ofreceu a sinatura dun convenio para as súas actividades socioculturais na parroquia, ademais de proporcionarlles un local.
As entradas para o concerto V-GO! NEGRO SON, CORO DE WÖYZA, que terá lugar o mércores 20 de agosto ás 21:00 h, no Auditorio Municipal do Concello, poden adquirirse anticipadamente en "Discos Elepé" (Doutor Cadaval, 35) a un prezo de 10€. V-GO! NEGRO SON CORO, o único coro de música negra de Vigo, ofrece un concerto que se incluirá no seu documental "V-GO! THE FILM", que chega agora á súa rodaxe final. O concerto conta coa participación do mestre de gospel Dani Reus.
PROCESALIA: CIDADE DE VIGO é un proxecto expositivo de arte contemporánea organizado e producido pola Rede Museística do Concello de Vigo, a realizar en dúas sedes diferentes: A casa das Artes e o Verbum, Casa das Palabras.
O Concello de Vigo colabora na 14ª edición de O MARISQUIÑO, que se celebrará os días 7, 8, 9 e 10 de agosto, incluído dentro do programa VIGO EN FESTAS 2014, e que contará con actividades de Skate, BMX, street; BMX flatland; Dirt Jump; Urban Downhill, Mountain bike; B-Boying e Freestyle Motocross no Paseo das Avenidas e na Praza da Estrela; así como tamén concertos no "OFF MARISQUIÑO" que se desenvolverán no Auditorio do Pazo de Congresos de Vigo.
Xira nacional da emisora de música LOS 40 PRINCIPALES que trae a Vigo o espectáculo musical e visual "40 HOT MIX ROAD SHOW-RADIO VIGO", con DJs como Álvaro Reina, Óscar García e Edu Naranjo, así como varias actuacións (Sweet California, Sophia del Carmen, Adelen, Pablo Méndez, entre outros…).
O venres 8 de agosto, o artista JAMIE CULLUM actuará no auditorio ao aire libre de Castrelos; o máis exitoso cantante de jazz do Reino Unido, nacido en Romford, Essex (Inglaterra), xa ten vendidos máis de dez millóns de discos en todo o mundo. Tras o lanzamento do seu álbum "Momentum" o artista embarcou nunha xira mundial que agora o trae a Vigo con concertos que sempre sorpenden.
O Concello de Vigo promove o programa cultural "A NOITE BRANCA", encadrado na oferta "Vigo en Festas 2014", que se desenvolverá este venres 8 de agosto desde as 19.00 ata as 02:00 h (madrugada do sábado) no Museo "Quiñones de León", Verbum-Casa das Palabras, Pinacoteca "Francisco Fernández del Riego", Casa Galega da Cultura, Casa das Artes, Fundación Laxeiro, MARCO-Museo de arte contemporánea de Vigo, Museo Liste-Etnográfico de Vigo e CAT-Centro de Artesanía Tradicional-