O alcalde convida á cidade a achegarse ao Boom Film & Comic que se celebra do 13 ao 15 de maio
O II Festival da Cultura Pop concentra máis de cincuenta actividades ao longo de tres xornadas nas que contará coa presenza de artistas de referencia do cómic, manga, cine, xogos e literatura fantástica e tamén con especialistas no II Concurso Cosplay. O encontro, que se desenvolve na Estación Marítima de Vigo, colaborará co Banco de Alimentos.
Abel Caballero presentou este mércores a segunda edición do Boom Film and Comic, Festival de Cultura Pop que se desenvolve desde o venres e ata o domingo na Estación Marítima cun programa que inclúe máis de cincuenta actividades nas que participarán artistas de referencia do cómic, o manda, o cine, os xogos e a literatura fantástica.
Jesús Ari, director do Festival explicou que esta segunda edición ofrece 30 horas de contidos "de nivel" con máis de 30 artistas convidados e actividades diversas concentradas en catro áreas temáticas: o cómic, contando coa presenza de autores como El Torres, Kiko da Silva, Julián López, Enrique Lorenzana ou Víctor Rivas; as series e o cinema, nas que estará Alberto Hortas e se celebrarán os cincuenta anos de Star Trek e abordarase Dr. Who e Star Wars; no ámbito da literatura estarán presentes Daniel Estorach, Daniel Espinosa e o escritor vigués Darío Vilas. Ademais haberá actividades de ocio como paintball, parapark, soft combat, torneos de cartas e xogos de roll e o II Concurso Cosplay coa presenza de especialistas.
O rexedor convidou a toda a cidade a achegarse estes tres días á Estación Marítima para participar das actividades, onde terán tamén a oportunidade de facer unha doazón de comida para o Banco de Alimentos de Vigo.
Descargar todas as imaxes
Jesús Ari, director do Festival explicou que esta segunda edición ofrece 30 horas de contidos "de nivel" con máis de 30 artistas convidados e actividades diversas concentradas en catro áreas temáticas: o cómic, contando coa presenza de autores como El Torres, Kiko da Silva, Julián López, Enrique Lorenzana ou Víctor Rivas; as series e o cinema, nas que estará Alberto Hortas e se celebrarán os cincuenta anos de Star Trek e abordarase Dr. Who e Star Wars; no ámbito da literatura estarán presentes Daniel Estorach, Daniel Espinosa e o escritor vigués Darío Vilas. Ademais haberá actividades de ocio como paintball, parapark, soft combat, torneos de cartas e xogos de roll e o II Concurso Cosplay coa presenza de especialistas.
O rexedor convidou a toda a cidade a achegarse estes tres días á Estación Marítima para participar das actividades, onde terán tamén a oportunidade de facer unha doazón de comida para o Banco de Alimentos de Vigo.