Caballero afirma que a estación do AVE ten "toda a seguridade xurídica e urbanística"
O alcalde reitera o amparo que a reforma da Lei do Solo, tramitada de urxencia, ofrece ao proxecto da estación de Tom Mayne e apela á responsabilidade do Ministerio de Fomento que non puxo en marcha os mecanismos de seguridade desa norma "que dá todas as garantías".
Abel Caballero reiterou este mércores que o proxecto para a estación do AVE de Vigo ten "seguridade xurídica e urbanística ao 100%; ten toda a seguridade", ao amparo da reforma da Lei do Solo que se vén de tramitar de urxencia no Parlamento de Galicia. Con todo, apelou á responsabilidade do Ministerio de Fomento que non solicitou a adecuación do proxecto ao abeiro da reformada norma, "o primeiro que tiña que facer era poñer en marcha esa lei que ofrece todas as garantías porque o informe municipal, xa o dixemos, vai ser positivo".
O rexedor engadiu que o apoio de Vigo á Lei de urxencia tiña "fundamentalmente" como obxectivo dar cabida aos proxectos de Citroen e da estación do AVE, na que o Ministerio ten que tomar a iniciativa para a adecuación do proxecto que terá "custo cero" para Fomento xa que non debe asumir expropiacións senón soamente a cualificación urbanística.
O rexedor engadiu que o apoio de Vigo á Lei de urxencia tiña "fundamentalmente" como obxectivo dar cabida aos proxectos de Citroen e da estación do AVE, na que o Ministerio ten que tomar a iniciativa para a adecuación do proxecto que terá "custo cero" para Fomento xa que non debe asumir expropiacións senón soamente a cualificación urbanística.