venres, 13 maio 2016

O Concello dedica 224.000 euros ao programa de medianeiras que "suma patrimonio cultural na cidade"

venres, 13 mai 2016

A Xunta de Goberno Local aprobou a contratación da execución do segundo programa de medianeiras que decorará 14 espazos da cidade e tamén deu o visto bo á segunda quenda do "Vigo Emprega 2016", que dedicará 752.000 euros á contratación de 113 traballadores, e ao plan de emprego de mozos dotado con 100.000 euros para que as empresas contraten á mocidade viguesa. Ademais o Concello aproba a contratación do servizo das piscinas municipais durante un ano.

Convocatoria de subvencións para o fomento do emprego en entidades sen ánimo de lucro do ano 2016

venres, 13 mai 2016

O Servizo de Desenvolvemento Local e Emprego, convoca as axudas económicas ás entidades sen ánimo de lucro que operan no movemento veciñas, social, sindical, as comunidades de montes, as entidades empresariais e as deportivas, constituídas legalmente como tales, para o fomento do emprego entre os veciños e veciñas de Vigo, dende o 01 de xaneiro ao 30 de setembro de 2016.

Programación do Día Internacional dos Museos 2016

venres, 13 mai 2016

Como cada ano dende 1977, o ICOM (Consello Internacional de Museos) convida aos museos do mundo enteiro a celebrar o 18 de maio o Día Internacional do Museo, creado para promover o interese xeral pola xestión e as actividades dos museos e centros de arte. O lema deste ano é ‘Museos e paisaxes culturais’, que salienta a idea dos museos como centros territoriais de protección activa da paisaxe cultural.Por este motivo, a Concellería de Cultura organiza un programa especial dentro da Rede de Museos Municipais que terá lugar os días 14, 15 e 18 de maio.