Esta fin de semana reiniciase a programación do circuíto teatral por barrios "Vigo a Escena" que organiza a concellería de Cultura e que se desenvolverá os meses de outubro, novembro e decembro . A programación presentouna o venres ,en rolda de prensa, o concelleiro Ignacio López Chaves e o coordinador do circuíto, Xerome Calero.
De onde vimos? Cara a onde imos? Estas son dúas preguntas frecuentes na historia do pensamento filosófico. As XV Xornadas de Filosofía de Vigo, que se desenvolverán do 18 ao 21 de outubro baixo o título de "A realidade humana: problemática actual da persoa", poden servir para acharlles resposta.
A Colección Fernández del Riego, situada na Casa Galega da Cultura, contribuirá co préstamo de dúas obras á mostra "Os artistas de Ánxel Casal", que dende o 20 de outubro e hasta o 11 de decembro poderá visitarse no Auditorio de Galicia de Santiago de Compostela.
Dado o éxito de público que visitou ata a actualidade a exposición do santuario do deus Berobreo, preto de nove mil persoas, a mostra permanecerá aberta ato o día 27 de novembro. Na exposición preséntase, a historia do santuario prehistórico do deus Berobreo, no alto do Monte do Facho, en Donón (Cangas do Morrazo) e do xacemento arqueolóxico que por vez primeira vez estudiárono investigadores vencellados ao museo municipal de Vigo como Enrique Massó, José Suárez e José María Álvarez Blázquez.
As actividades gratuítas en inglés para rapaces e adultos voltarán á Biblioteca Pública Central de Vigo a partir do mes de outubro, e debido á demanda acadada na convocatoria pasada é preciso facer unha inscrición previa na propia Biblioteca antes do 1 de outubro.
Na Biblioteca Central pódese visitar unha exposición de pintura realizada polos rapaces que participaron en agosto no obradoiro "Un verán cos pintores".<br />
O MARCO acolle desde hoxe venres ata o 8 de xaneiro de 2006 a exposición de fotografía austríaca contemporánea "A patria está ao virar na esquina", que reúne 80 obras de 14 artistas deste país centroeuropeo, coa pregunta pola posibilidade dunha perspectiva e estética nacional como tema común.
O vindeiro sábado, 24 de setembro ás 20.00 horas, terá lugar a actuación da banda de música Freamunde, da localidade portuguesa de Paços de Ferreira, no entorno do Museo de Arte Contemporánea (MARCO) da rúa do Príncipe. A banda de música Freamunde, integrada por sesenta personas, foi fundada no ano 1822, e dende entón mantén unha actividade ininterrumpida de cara ao ensino e promoción da cultura musical.
O investigador do Instituto de Astrofísica de Canarias e presidente do grupo Shelios, Miquel Serra-Ricart, impartirá o vindeiro sábado, 24 de setembro, unha conferencia co título «Grandes espectáculos celestes: eclipses, auroras e chuvias de estrelas», que terá lugar no Auditorio Municipal do Concello de Vigo ás 20.00 horas. Posteriormente, o relatorio completarase cunha observación do ceo nocturno na praza do Rei, na que participarán membros da Agrupación Astronómica "Rías Baixas" de Vigo.
O Arquivo Pacheco inaugura unha exposición de retratos de deportistas co fin de que o público participe no proceso de identificación das imaxes.