Aqueles que estean interesados en coñecer o santuario do deus Berobreo, situado no monte do Facho, en Donón (O Hío, Cangas), poden facelo a través das visitas ao xacemento organizadas de maneira paralela á exposición sobre este mesmo tema no Museo Municipal "Quiñones de León".
O Verbum continua esta fin de semana coas actividades de dinamización do museo co título “Obradoiro de Xogos” e visitas guiadas para familias, dentro dos acordos do convenio asinado entre a concellería de Cultura e a Universidade. O museo habilitou tamén un espacio como biblioteca.
A concellería de Cultura organiza, en colaboración co Club Aéreo de Vigo, un Festival Aéreo que terá lugar o domingo , día 10 de xullo, na praia de Samil a partir das 11:30 horas. No festival, que durará ata ás 13:30 horas, participarán un avión F18, avións apagafogos, a patrulla paracaidista EADA e a patrulla Ágila.
A sala de arqueoloxía do Museo Municipal Quiñones de León albergará unha exposición sobre as aras do santuario de Donón co título “Para o deus Berobreo” que se poderá visitar desde o 7 de xullo ao 1 de outubro.
O MARCO inicia os talleres didácticos de verán co título “Arte e matemáticas” que se desenvolverá ata o 17 de setembro de martes a sábados de 12 a 14:00 horas.
Unha xura de bandeira a cargo dos alumnos das Escolas de Formación de Mariñería Escaño e Esengra con motivo da visita do Buque Escola Juan Sebastián Elcano e unha exhibición aérea na praia de Samil na que participarán a Patrulla acrobática, apagafogos, paracaidista e a Patrulla Águila.
O concelleiro de Cultura, Ignacio López Chaves, asiste á inauguración da exposición "Falando da Estampa. Unha colección de obra gráfica internacional", que se poderá visitar do 30 de xuño ao 4 de setembro na sala da Fundación Caixa Galicia. A exposición é unha escolma de pezas de altísima calidade dunha das pinacotecas privadas máis importantes de gravado contemporáneo, a de José María Cabra de Luna.
A artista Carmen Lage expón na Casa Galega da Cultura "Síntese monocroma", unha mostra pictórica e fotográfica na que busca a depuración da linguaxe visual. Poderá visitarse do 29 de xuño ao 25 de xullo.
A exposición "O Quixote: da letra á imaxe", pódese visitar desde hoxe, 28 de xuño, ata o próximo 29 de agosto. Nela abórdase a evolución visual e gráfica da obra cervantina.
O Verbum-Casa das Palabras inicia as actividades denominadas "Obradoiro de Xogos" dirixidas ás familias e particularmente aos máis cativos. Estas actividades de dinamización forman parte dos acordos do convenio asinado recentemente entre a concellería de Cultura e a Universidade de Vigo.