O concelleiro de Cultura, Ignacio López-Chaves, presentou a páxina web do Museo Municipal "Quiñones de León". Nesta páxina está contida toda a información relativa ás exposicións e actividades do museo e ás características do Pazo de Castrelos, que o alberga.
O Verbum-Casa das Palabras inicia unha nova etapa con Lois Cea como responsable. Lois Cea, que xa se encargou de pór en marcha o Arquivo Pacheco, ten como obxectivos revitalizar o museo converténdoo en lugar de encontro e potenciando as súas actividades formativas.
Durante o I Festival Internacional de Jazz de Vigo, que terá lugar entre o 16 de xuño e o 3 de xullo, distintas pasarrúas interpretarán o mellor jazz por distintos barrios de Vigo.
Ata finais de xuño, data en que rematan as diversas actividades programadas na Biblioteca Central de Vigo, é posible participar aínda en visitas escolares, obradoiros de escrita e contacontos para nenos.<br />
Dentro da programación do Cineclub Lumière para este mes de xuño, proxectaranse no Auditorio Municipal as películas "Esplendor americano", de Shari Springer e Robert Pulcini, "Coffee and cigarettes", de Jim Jarmusch, e "Zelig", de Woody Allen, así como un maratón de curtametraxes.
A ensemble Música Doméstica pecha o ciclo de música "Xeración 200+5" na parroquia María Auxiliadora, ás 20:45 horas, que organiza o departamento de Cultura.
Dentro do programa de exposicións da Casa das Artes do presente ano 2005, a concellería de Cultura presenta esta exposición que iniciou a súa andaina en Barcelona, itinerando por Zaragoza e mostrándose agora en Vigo por primeira vez en Galicia.
O conselleiro de Pesca e Asuntos Marítimos, Enrique López Veiga, clausura o, 2 de xuño, o ciclo "Polos mares de Galicia", que se vén desenvolvendo dende o pasado 19 de maio organizado polo departamento de Cultura do Concello de Vigo en colaboración coa Fundación CaixaGalicia e a Universidade de Vigo.
Os alumnos da Escola Municipal de Teatro mostrarán o que aprenderon ao longo do curso con seis representacións do 7 ao 10 de xuño no Auditorio do Concello. Ademais, na primeira quincena de xullo, a Escola ofrecerá catro cursos monográficos relacionados co teatro.
A quinta sesión do ciclo "Polos mares de Galicia", que terá lugar o mércores 1 de xuño no salón de actos da Aula Sociocultural da Fundación CaixaGalicia ás 20.00 horas, contará cun invitado de excepción, como é o director de navegación da Volvo Ocean Race e responsable de seguridade dos equipos participantes desta regata, Jeremy Troughton.