Escoitar

O Imaxina Sons chega a súa recta final

O Festival de Jazz de Vigo "Imaxina Sons" celebra esta fin de semana a súas últimas actuacións con pasarrúas, e os concertos de "Peque Jazz", grupo Abuña, a presentación oficial da Imaxina Jazz Orquestra, Victor Prieto Trío e José María Carlés, do grupo Telegrah Vadis e o Art Ensemble de Chicago.

venres, 30 xuñ 2006
1151670488pequejazz.jpg
Sábado, 1 de xullo

1. PASARRUAS :MR.DIXIE JAZZ BAND (13, 19, 21 HORAS)
2. CONCERTO FAMILIAR: PEQUEJAZZ NO Auditorio Municipal (adultos 3 euros, nenos ata 14 anos 2 euros) Narrador: José Luís Rovira.

Pequejazz é un espectáculo que pretende achegar os misterios do jazz para o público máis novo. Estreouse no festival de jazz de Madrid no outono de 2004 esgotándose as entradas. Durante o primeiro semestre de 2005 estivo incluído na rede de teatros da comunidade madrileña, dentro da programación de dez concellos.

A idea xorde da Escola Popular de Música partindo de que ata o momento as propostas didácticas centrábanse na música clásica. A escola, pioneira en programas de estudos dirixidos á infancia e á adolescencia, cuestionouse por que os nenos e nenas poden escoitar a Stranvinsky ou a Prokofiev, e non a Duke Ellington ou Charlie Parker. O resultado é o espectáculo :O segredo de Dexterity, un conto musical que pretende captar a atención e conectar a quen o escoita a través da maxia e as emocións. O personaxe principal deste conto, Dexterity (tomado dun tema de Charlie Parker) narra a tres nenos que queren ser músicos a historia do jazz desde as súas orixes ata finais dos anos 50.

3. GRUPO ABUÑA (Verbum Jazz Café, 20,00 h, entrada libre) Sally Albaugh: cantante; Xosé Luís Míguelez Saínza: saxo; José Antonio Branco: guitarra; Manuel Lorenzo Tabarés: contrabaixo;Antonio Romeu: batería

O xerme do Grupo Abuña remóntase a 1986 cando Manuel Lorenzo Tabarés funda Abuña Jazz tras gozar dunha beca de catro anos da AIE para estudar na Estudo Escola de Santiago. Xunto ao guitarrista José Antonio Branco, influenciado por lendas da guitarra como Tal Farlow e Pat Martino, aborda desde os tempos orixinais de Abuña Jazz un repertorio que toca todos os paos: fusión, swing, bossa, funk...Máis tarde sumaríanselles a cantante de orixe estadounidense pero galega de adopción tras máis de vinte e cinco anos entre nós. Sally Albaugh, tamén embarcada en aventuras como Trío Jazz Only, Cuarteto Baio Ensemble ou Tócame Jazz; o saxofonista Míguelez Saínza, formado nas filas do Alberto Conde Grupo, e o baterías Antonio Romeu, membro de agrupacións como Alecrín, Jambo, Victor Prieto Cuarteto ou Ratko Zcaca Trío.

4. PRESENTACIÓN OFICIAL DA IMAXINA JAZZ ORQUESTRA
CENTRO CULTURAL CAIXANOVA, 20.30 h
PREZOS: 12 euros BUTACA; 11 euros 1 er ANFITEATRO; 10 euros 2º ANFITEATRO; 9 euros 3 er ANFITEATRO

A Imaxina Jazz Orquestra xorde como primeira iniciativa dentro do ámbito das produccións propias do festival Imaxina Sons. Con ela preténdese reunir o potencial que atesoura Galicia nunha banda de gran formato que, de modo estable, interprete composicións dos autores galegos máis destacables e creativos do panorama jazzístico actual. Polas súas características trátase dunha experiencia inédita en España e, polo tanto, atractiva para os profesionais, o público e, tamén, para os medios de comunicación. (Máis info en www.imaxinasons.com)

5. VICTOR PRIETO TRÍO / JOSÉ Mª CARLÉS
PRAZA DÁ ESTRELA, 23.30 H, ENTRADA LIBRE
Víctor Prieto: Acordeón; Carlo De Rosa: Baixo; Vince Cherico: Batería

Acordeonista e compositor, nacido en Ourense en 1975, u Prieto é o creador dunha nova técnica para o acordeón chamada aproximación de acorde en ambas mans, que crea harmonías non interpretadas anteriormente. Actualmente vive en Nova York e ten actuado en festivais como o Cascade Festival of Music en Oregon, ou Williamsburg Jazz Festival en Nova York ou o Three Rivers Musical Festival en Columbia. Recentemente acaba de editar o seu primeiro disco titulado Persistencia(Foxhaven Records).

Víctor Prieto empezou a tocar o acordeón influenciado pola súa nai, e estudou no Conservatorio de Ourense primeiro e despois na Escola Estudo de Santiago de Compostela. Máis tarde, a recoñecida escola de Jazz, Berklee College of Music, concédelle unha beca para cursar estudos de Jazz Performance. Durante a súa estancia alí, coñece a moitos dos músicos cos que tocaría posteriormente. Logo de graduarse, establécese en Nova York, onde exerce de profesor de acordeón de jazz no conservatorio de Brooklyn.

Carlos de Rosa vive en Nova York tamén desde fai doce anos e xa en 1999 foi escollido para formar un trío que participou no programa Embaixadores do Jazz de EEUU cun concerto no Kennedy Center e unha vira polo sureste africano. Actualmente tamén imparte clases por todo o mundo. Allison Miller naceu en Texas e toca a batería desde os dez anos; ten colaborado e gravado con Norah Jones, Piñeiro Daniele, Natalie Merchant e Ray Drummond, entre outros. Como De Rosa, tamén foi seleccionada polo departamento de Estado dos EEUU como embaixadora do jazz, e actualmente imparte master class en diferentes universidades e centros de secundaria.

José Mª Carlés
José Mª Carlés: piano; Chris Higgins: baixo;Chris Kase: trompeta; Marc Miralta: batería; Javier Vercher: saxo

A última gravación do pianista, Torre de Babel, é froito dunha sincera introspección e de dous anos de traballo. Nesa procura dunha linguaxe persoal, o ourensán esmerouse tamén a selección dos músicos acompañantes atendendo, nas súas propias palabras, a criterios de afinidade e de experiencias anteriores. Co concurso de Chris Higgins (contrabaixo), Chris Kase (trompeta), Joaquín Chacón (guitarra), Llibert Fortuny (saxo alto), Marc Miralta (batería) e Ramón Cardo (saxo tenor), Carlés conseguiu plasmar unha variada paleta de estilos nos que encaixan a medida as características de cada un dos intérpretes.

Nado en Ourense, os ventos do jazz lévanlle a completar a súa formación como pianista no Taller de Músicos de Madrid, no que posteriormente exercería tamén un importante labor docente. Durante a pasada década desenvolveu unha incansable actividade colaborando con membros destacados do panorama jazzístico nacional como Ramón Cardo, Chema Saiz, Joaquín Chacón, Jesús Santandreu, Marc Miralta, etc. En 1991 obtén o segundo premio no concurso internacional do Festival Internacional de Getxo e tan só un ano despois, xa como líder do seu propio trío, alcanza o primeiro premio do mesmo concurso. En 1993 é elixido, xunto a Tete Montoliu e Chano Domínguez, para participar en Ibiza na Mostra Nacional de Jazz organizada polo Ministerio de Cultura.

Actualmente ten a súa residencia en Peñaranda de Bracamonte (Salamanca), onde impulsou notablemente, tanto como profesor como coordinador do departamento de jazz, a Escola Municipal de Música. Tamén é membro fundador?e director do seu Big Band da Asociación de Amigos e Músicos de Salamanca Amajazz.


6. TELEGRAPH VADIS (MANTECA JAZZ, 01.30 H, ENTRADA LIBRE)
Xoán Lois Amado: batería; Daniel Batán: baixo eléctrico; Iago Mouriño: teclados

Nacido en Lalín, o trío eléctrico Telegraph Vadis fai gala dun eclecticismo maiúsculo. O seu terreo é o da fusión e o seu estilo pode beber do latin jazz, o jazz rock, elementos da música étnica... pasando do lirismo ás atmosferas obsesivas e da beleza á crudeza sempre con criterios moi persoais e atendendo ás influencias das súas tres integrantes. A experimentación, a diversidade e o punto de mira posto no futuro son os seus trazos de identidade.

DOMINGO 2 DE XULLO

1. CLAUSURA DA EXPOSICIÓN SÍNCOPA NEGRITA
2. BANDA-ESCOLA DE MÚSICA DE BEADE
AVDA. MONTERO RÍOS, 20.30H ENTRADA LIBRE

A BANDA ESCOLA DE MÚSIC DE BEADE comeza a escribir a súa historia no ano 1985, pero non será ata catro anos *despois cando conte con profesores especializados nos diferentes instrumentos, asumindo a dirección artística D. Javier Comesaña Pereira ata o ano 1992. Será entón cando asuma tal función durante os seguintes anos . Xullo Vázquez Martínez, que no ano 1999 cederá a batuta da agrupación ao actual director Javier Viceiro Filgueira. (Máis info en www.imaxinasons.com)

3.CONCERTO FINAL:
ART ENSEMBLE OF CHICAGO
CENTRO CULTURAL CAIXANOVA 22.00 H
15 euros BUTACA; 14 euros 1er ANFITEATRO; 13 euros 2º ANFITEATRO; 12 euros 3 er *ANFITEATRO


O Art Ensemble of Chicago é o paradigma do espírito vangardista xerminado a partir de mediados dos 60 en Chicago, cidade que aínda hoxe está considerada como a maior factoría de ideas novas en torno ao jazz. A proposta innovadora desta agrupación americana fusiona o jazz coa tradición musical europea e as músicas indíxenas africanas, pero quizá a súa fórmula de experimentación que máis transcendeu e influenciado aos músicos de diferentes xeracións é a de integrar os diferentes estilos e elementos da historia do jazz, desde as primeiras manifestacións ligadas aos servizos relixiosos ata os logros máis arriscados do free jazz.

Xurdido do caldo de cultivo da ACCM (Association for the Advancement of Creative Musicians) do pianista Muhal Richard Abrams, o Art Ensemble of Chicago é o resultado do encontro do Roscoe Mitchell Sextet e do trompetista Lester Bowie, falecido en 1999. Desde a morte deste, Mitchell encargouse de manter, aínda que sen ostentar liderado algún, as altas cotas de experimentación, teatralidade e liberdade do grupo. A súa sabedoría e orixinalidade como solista únese agora, substituíndo ao desaparecido Bowie, a mocidade e a enerxía do trompetista Corey Wilkes, novo mestre de cerimonias para unha interesante etapa na longa vida da formación.

Formación:
· Roscoe Mitchell: saxofóns
· Famadou Don Moye: batería e percusión
· Jaribu Shahid: contrabaixo
· Corey Wilkes: trompeta
Descargar todas as imaxes