martes, 8 xul 2014
Durante o mes de xullo, el MARCO retoma os seus talleres de verán para público infantil e familiar, que nesta ocasión se centran na exposición ‘EIDOS DA IMAXE EN. Grafías dos feitos e do pensamento’. Inaugurada a principios de xuño nas salas do primeiro andar, este proxecto expositivo mostra como artistas e investigadores comparten a necesidade de obter resolucións gráficas e figurativas dos acontecementos ou dos feitos físicos do mundo.
martes, 8 xul 2014
O alcalde exerceu este martes de padriño na apertura deste proxecto conxunto que comeza no ano que a banda de gaitas conmemora tres décadas de traxectoria. Un concerto, o 26 de xullo na Porta do Sol, servirá para celebrar os 30 anos de Xarabal e esta nova etapa.
luns, 7 xul 2014
Xunto aos organizadores, o alcalde presentou este luns a segunda edición de VIKUL, o Encontro Internacional de Danza Urbana de Vigo, que se celebrará no Verbum entre os días 18 e 20 de xullo. Clases maxistrais de artistas nacionais e internacionais compartirán cartel con actuacións na rúa, obradoiros de danza e graffiti para os máis pequenos e un gran flashmob de peche.
A batería Lucía Martínez trae o seu proxecto berlinés ao Auditorio Municipal do concello ás 21h
venres, 4 xul 2014
A última xornada de Imaxina Sons o sábado 5 de xullo comeza á unha do mediodía e remata á unha da madrugada. Unha xornada completa que arranca con "Jazz fóra de lugar" na rúa de Londres e finaliza con "Jazz na noite" no club Xancarajazz. No medio, dous pratos fortes: Lucia Martínez Berliner Projekt AzulCielo no Auditorio Municipal do concello ás 21h e, despois, na praza da Constitución ás 23h, Riverside Quartet, a formación liderada polo trompetista Dave Douglas e o saxo Chet Doxas en tributo á música de Jimmy Giuffre.
xoves, 3 xul 2014
Para diversos públicos e distintas preferencias. Así se formula a xornada Imaxina Sons o venres 4 de xullo. Unha xornada que comeza ás 13h co concerto "Os Superhércules", dirixido a público infantil e familiar, que ten lugar na rúa de Londres con entrada de balde. A música do pianista alemán Michael Wollny chega ao Auditorio Municipal do concello ás 21h e o día remata na praza da Constitución co concerto "Quincy Jones presenta a Alfredo Rodríguez".
A praza da Constitución acolle a partir das 23h o concerto do grupo galego con Iria Peña, Alberto Cereijo, DJ Mil e Suelen Estar Quartet
mércores, 2 xul 2014
Comezan os concertos de Imaxina Sons na Praza da Constitución o xoves 3 de xullo e arrancan co proxecto especial do grupo Sumrrá para a décima edición do festival. Subirán ao escenario ás 23h con convidados: a cantora Iria Peña, o guitarrista de Os Suaves Alberto Cereijo, DJ Mil e o cuarteto de corda vigués Suelen Estar Quartet. Antes, ás 21h, o contrabaixista portugués Hugo Carvalhais actúa no Auditorio Municipal do concello (praza do Rei).
venres, 27 xuñ 2014
Os membros de Berrogüetto presentaron hoxe en Vigo, acompañados polo concelleiro de Cultura, Cayetano Rodríguez, o seu derredeiro concerto da xira de despedida anunciada na súa disolución, en febreiro de 2014. Ourense, Santiago, A Coruña e Lugo foron as outras cidades escollidas pola banda para decir adeus ao seu público.
No Auditorio Municipal do concello ás 21h en formato trío co contrabaixista Demian Cabaud e o baterista Ferenc Nemeth
xoves, 26 xuñ 2014
Na súa segunda xornada o venres 27 de xuño, Imaxina Sons programa o concerto do guitarrista Gilad Hekselman ás 21h no Auditorio Municipal do concello (Praza do Rei). Desde hai dez anos Gilad Hekselman (Israel, 1983) é un dos guitarristas destacados da escena musical neiorquina. As entradas teñen un prezo de 5 euros máis gastos de xestión en servinova e na Central de Espectáculos (Velázquez Moreno 26); a billeteira do Auditorio do concello abrirá unha hora antes da actuación.
xoves, 26 xuñ 2014
O ilustrador e deseñador gráfico Fausto Isorna, presenta por primeira vez en Vigo, unha escolma dos<br />
seus colaxes na Fundación Laxeiro do 27 de xuño ó 28 de setembro.
