Carmela Silva foi hoxe venres a encargada de presentar a Semana de Teatro Afeccionado que, a partir de mañá sábado, ofrecerá cinco actuacións con outros tantos grupos da cidade. A iniciativa arranca co grupo Teatro Tarantela, que actuará a partir das 20,00 horas na SCR Helios de Bembrive.
Abel Caballero avanza que o 1 de xaneiro o Concello deixará de aportar os 330.000 euros que anualmente lle adica a Biblioteca Central, sendo esta unha responsabilidade absoluta da Xunta. De feito, o rexedor explica que o Goberno autonómico xa sufraga a totalidade das bibliotecas autonómicas de todas as grandes urbes galegas, excepto a da nosa cidade.
O luns, 4 de novembro, ás 19.00h comezan, na Fundación Laxeiro, estas xornadas sobre arte e xénero, impartidas pola consultora en cuestión de xénero, Dolores Ruiz e coordinadas polo Profesor titular da Universidade de Vigo Ignacio Pérez – Jofre Santesmases.
VERTIXE VIGO’13 é unha nova proposta de concertos e actividades que ofrece unha panorámica ampla da creación sonora internacional. Organizada por Vertixe Sonora —un dos colectivos máis destacados na súa aposta pola música contemporánea e polo diálogo e a confluencia entre música e outras artes— en cooperación con Musicadhoy, conta coa colaboración do MARCO, onde ten lugar unha parte dos concertos e obradoiros.
Oito actuacións para nenos e outras tantas para adultos conforman a programación do Auditorio Municipal que arranca o venres, 1 de novembro.
Vigópolis, a serie web con Vigo como protagonista, presentou este mércores ao seu elenco, unha vez rematado o casting, e o video promocional. No acto, coa participación de actores, directores e a presenza do alcalde, Abel Caballero, anunciaron que o luns comezan a gravar a serie no Quiñones de Leon.
A Fundación Laxeiro, en colaboración coa Unidade de Igualdade da Universidade de Vigo e a Facultade de Belas Artes de Pontevedra, organiza as xornadas "A arte ten xénero?", de introdución aos principais aspectos que relacionan xénero e creación artística.As xornadas desenvolveranse na sede da fundación (r/ Policarpo Sanz, 15-3º), os días 4, 5 e 6 de novembro, en horario de 19:00 h a 21:00 h, e a inscrición é gratuíta.
Este luns, 28 de outubro, ás 20:00 h, inaugurarase na planta primeira da Casa das Artes (r/ Policarpo Sanz, 15) a exposición "MULLERES BAIXO SOSPEITA. Memoria e sexualidade (1930-1980)", organizada pola Concellería de Igualdade do Concello de Vigo e a Unidade de Igualdade da Universidade de Vigo, en colaboración coa Concellería de Cultura e Festas.
Esta fin de semana continúa no Patio 1 da planta baixa do MARCO ‘Material Memoria’, o programa de artes escénicas e cine comisariado por Pablo Fidalgo Lareo dentro da exposición VERANEANTES. Nesta ocasión, proxectarase a película Ensayo final para utopía, do cineasta hispano-venezolano Andrés Duque, que no pase do venres será presentada por José Manuel López, profesor do curso de cine que actualmente ten lugar no MARCO.
A biblioteca municipal Xosé Neira Vilas ofrecerá un servizo de préstamo especial para usuarios con discapacidad motora grave que lles permitirá solicitar préstamos a través do teléfono. Así o explicou hoxe xoves o rexedor durante unha visita ao centro para conmemorar o Día Internacional das Bibliotecas.