O alcalde participou este mércores na homenaxe ao director xeral de Vegalsa, Joaquín González, polo seu traballo como responsable da empresa durante 38 años. No acto, organizado no estadio municipal de Balaídos, participaron 150 xefes de tenda da empresa.
Abel Caballero participou na inauguración dos "Galicia biodays" xunto a expertos internacionais da industria biotecnolóxica. O alcalde e presidente do Consorcio de Zona Franca avoga por consolidar a Vigo como sede permanente do foro internacional biotecnolóxico.
O próximo sábado 15 de xuño o Concello pon en marcha nas praias de Vigo o servizo de salvamento e limpeza. Contará cun operativo de 150 persoas. “Arrincamos xa con todos os efectivos e todo disposto para atender á xente de Vigo e aos visitantes”, explicou o alcalde.
O Concello triplica este ano a súa colaboración económica coas feiras do libro novo e antigo, coa concesión dunha axuda de 15.000 euros, ao tempo que recupera, “para sempre”, á Praza de Compostela como escenario do encontro entre editores, libreiros, lectores e escritores. Así o avanzou hoxe Abel Caballero ao presentar as dúas convocatorias da feira para xullo e agosto, co concelleiro de Cultura, Gorka Gómez, e coa secretaria da Federación de Librerías de Galicia, Celia Fernández, e anticipar que entre os literatos que asinarán exemplares atópase Pedro Feijóo.
Abel Caballero explicou hoxe que o Programa Socio-Educativo e de Apoio Familiar atendeu en maio a 188 familias. “Seguimos axudando a familias en situación vulnerable e estando ao carón das persoas que o necesitan”, afirmou o rexedor.
Entre os temas a tratar estarán a concreción da liña de alta velocidade Vigo-Ourense por Cerdedo para a conexión directa con Madrid, a saída sur ferroviaria para o enlace Vigo-Porto en alta velocidade e o corredor atlántico de mercadorías. O alcalde comeza así unha rolda de contactos cos máximos responsables do Ministerio de Transportes e Mobilidade Sostible para avanzar nas grandes infraestruturas da cidade.
Abel Caballero recibiu ao director saínte da planta de Stellantis en Vigo e a José Luis Alonso Mosquera, que se porá ao fronte da factoría viguesa. O alcalde deu a benvida ao novo directivo ao que lle manifestou que haberá "total cooperación para a interlocución co Goberno de España". Caballero constatou que "seguimos en boas mans e cun gran proxecto e gran realidade que é Stellantis Vigo".
O Auditorio Municipal será escenario o próximo 28 de xuño, a partir das 21.00 horas, do concerto “En Tránsito. Tributo a Joan Manuel Serrat”. Os irmáns Alberto e Andrés Cunha, o pianista Alberto Alonso, e o contrabajista Baldo Martínez, intepretarán os éxitos do músico que no verán de 2023 protagonizou no Auditorio de Castrelos, un dos seus últimos concertos antes da súa retirada dos escenarios. “Será un gran concerto, que estará cheo de público que o pasará moi ben”, anticipou hoxe Abel Caballero durante a presentación do espectáculo.
O alcalde remitiu hoxe unha carta ao presidente da Xunta comunicándolle a súa dispoñibilidade para reunirse o día 25 de xuño e abordar unha ampla listaxe de temas pendentes con Vigo desde hai 15 anos. Ademais de solicitar a solución a un importante número de materias que a administración galega mantén sen resolver, Caballero urxe a “cooperar” coa cidade en ámbitos como a construción do estadio de Balaídos. Avanzou que acode á reunión con Alfonso Rueda “nin esperanzado, nin desesperanzado" e que "é a oportunidade que ten a Xunta de cambiar o enfoque e darlle a Vigo o que lle corresponde porque somos a primeira cidade de Galicia”.
Abel Caballero desvelou esta mañá a data da firma do convenio da construcción da nova grada de Gol, na que Concello e Deputación de Pontevedra financiarán a partes iguais os 26.304.618€.