venres, 3 nov 2023
A partir do martes 7 de novembro ás 14 horas e ata o luns 15 de xaneiro non está permitida a celebración de eventos na vía pública salvo autorización municipal. As obras poderás autorizarse sempre e cando non interfiran coas instalacións e actividades previstas para o Nadal. Estas limitacións afectan ás rúas máis céntricas da cidade e teñen como obxectivo mellorar a mobilidade peonil e de vehículos durante a montaxe e celebración das festas.
venres, 3 nov 2023
Abel Caballero e o secretario xeral de ASIME, Enrique Mallón, mantiveron unha charla sobre a situación do sector. Un dos temas da conversación foi "a boa marcha dos estaleiros, onde empézase a recuperar a actividade, pero continúa o problema da falta man de obra formada neste sector". O alcalde ofreceu o edificio municipal de FORMEGA, para impartir a nova formación, que contaría co financiamento de Europa. Tamén falaron do sector aéreo, "que marcha perfectamente". Enrique Mallón trasladoulle a invitación ao II Congreso Maritime Trends Summit, que se vai a celebrar proximamente na cidade.
xoves, 2 nov 2023
O goberno local decidiu aprazar as visitas teatralizadas ao cemiterio de Pereiró programadas para o venres 3 de novembro polo temporal e as alertas decretadas pola AEMET. O Concello avisará aos inscritos para este día. Está previsto que os roteiros dean comezo unha vez rematen as alertas amarela e laranxa que se están a anunciar estes días por vento e choiva.
xoves, 2 nov 2023
Abel Caballero e Manuel Reigosa reuníronse este xoves no Concello para abordar varias cuestións de interese para ámbalas entidades, entre eles, os edificios de Zona Franca na ETEA e a necesidade de espazos na cidade.
martes, 31 out 2023
Abel Caballero destacou “o salto cualitativo” e o momento histórico que representa a transformación da sede de Abanca en Vigo porque propicia a interacción ente persoas e empresas, e convértese nun “punto de encontro” da cidade. O alcalde apuntou que a remodelación interior da histórica sede principal da entidade financeira, que cualificou como “elemento de cohesión de Vigo, porque a cidade é economía”, á vez que é o reflexo do espírito “pioneiro”, coa implantación de tecnoloxías de última xeración, propicia o contacto dos profesionais coa cidadanía. O rexedor lembrou que entre os plans do goberno local atópase reformar o edificio do Concello e abrilo á cidadanía.
venres, 27 out 2023
Abel Caballero recibiu este venres ao comité executivo da Feira internacional da industria naval de Vigo, que terá lugar do 21 ao 24 de maio de 2024, coa práctica totalidade da superficie expositiva xa ocupada, "o que xenera unha gran expectativa". Logo do encontro, Caballero trasladou a súa vocación de que "Navalia se convirta na feira naval máis importante de Europa".
venres, 27 out 2023
O alcalde anunciou que en Vigo operarán os novos trens Avril “que sexan necesarios para solventar o agravio da cidadanía de ir ata Madrid pasando por Santiago”. Caballero lembrou á conselleira de Infraestruturas que Vigo non ten alta velocidade “polo parón con Rajoy de presidente do Goberno” e louvou que o actual Goberno de España recuperase o proxecto.
xoves, 26 out 2023
Abel Caballero expresa ao director xeral do Imserso a “insatisfacción” de Vigo pola repartición das viaxes de maiores entre os aeroportos de Vigo e Santiago, á vez que reclama a mellora da distribución das prazas entre os dous aeródromos
xoves, 26 out 2023
Como xa sucedeu nas últimas dúas edicións, o Concello de Vigo volverá realizar “dúas Cabalgatas de Reis”, informou esta mañá o rexedor olívico. A Xunta de Goberno Local do luns 23 de outubro aprobou a contratación da prestación do servizo de produción técnica e servizos auxiliares de soporte dos actos dos Reis Magos no Nadal 2024.
xoves, 26 out 2023
Abel Caballero anunciou este xoves que Vigo acollerá a 12 inmigrantes trasladados á Península desde as Illas Canarias. Serán atendidos pola ONG Accem, con experiencia por axudar a expatriados de Ucraína. Todos os gastos serán sufragados polo Goberno, segundo comunicou o alcalde.
