Durante a visita ao edificio que albergará as futuras instalacións de SPARC, a planta de semiconductores fotónicos, Abel Caballero puxo en valor a posta en marcha da factoría na cidade, coa previsión de que inicie a súa actividade en 2025.
Abel Caballero propuxo esta mañá acordar unha reunión con Alfonso Rueda para falar de cuestións pendentes coa cidade. Así llo trasladou nunha carta que lle enviou en resposta á recibida onte luns, unha misiva “chea de falsedades e inexactitudes” que “volve ser un non a todo o que se prantexa en Vigo”.
Esta mañá o rexedor vigués achegouse ao Laboratorio de Biotoxinas Mariñas, situado no campus universitario, para visitalo xunto ao ministro de Consumo, Alberto Garzón e a subdelegada do Goberno na provincia de Pontevedra, Maica Larriba. Durante a visita, o equipo do laboratorio mostráronlles as instalacións e as diferentes fases procesais para o análise de toxinas en moluscos.
Esta mañá o rexedor recibiu ao técnico vigués Óscar Bruzón, ex-seleccionador de Bangladesh. Nese mesmo país, adestra o Bashundhara Kings da Premier League local, co que logrou gañar varias ligas nos últimos anos, ademais de lograr o fito de clasificalo para xogar a Champions de Asia. Na recepción agasallou a Abel Caballero con camisetas tanto do seu clube como do combinado nacional.
Neste 2022, o 50% das viaxes organizadas polo IMSERSO sairán de Vigo e outro 50%, o fará desde Santiago. Esta distribución mereceu esta mañá o recoñecemento do alcalde ao Goberno de España por ter en conta, por fin, o peso da cidade nesta programación.
O convenio por valor de 14.990 euros suma 7 percorridos durante os meses de outubro e novembro polo medio natural de Vigo e o seu entorno. O alcalde e o director xeral de Vegalsa, Joaquín González Iglesias, asinaron o documento para o desenvolvemento das actividades.
Abel Caballero recibiu na Alcaldía ao novo comisario da Policía Nacional, Ramiro José Gómez García (Valladolid, 1967), onde mantiveron unha primeira xuntanza sobre a situación da cidade. O rexedor deulle a benvida e desexoulle o mellor dos traballos ao fronte da comisaría. Licenciado en Xeografía e Historia –especialidade de Arqueoloxía– pola Universidade de Valladolid, a súa cidade natal, Ramiro José Gómez suma unha traxectoria profesional de 25 anos no Corpo Nacional de Policía, onde ingresou en 1997. A Xefatura Superior de Cataluña foi o seu primeiro destino, trasladándose posteriormente á comisaría local de Aranda de Douro (Burgos). Tras unha etapa impartindo clases de investigación na Escola Nacional de Policía de Ávila e outra como responsable da Policía Científica da Comisaría Provincial de Ávila, en 2019 púxose ao mando da comisaría de Miranda de Ebro, de novo en Burgos. E tras o seu ascenso á categoría de comisario en setembro de 2021 xa foi destinado a Vigo, onde leste mesmo xaneiro tomou posesión como xefe local de Operacións.
O alcalde de Vigo e presidente da FEMP, Abel Caballero, achegouse hoxe ao auditorio Mar de Vigo onde se celebra a xornada "A importancia do Deporte para a redución da desigualdade no marco da Axenda 2030" que organiza a Deputación de Pontevedra xunto a Federación de Municipios e Provincias. Acompañado do presidente do Consello Superior de Deportes, José Manuel Franco, e a presidenta da Deputación de Pontevedra, Carmela Silva, o rexedor sinalou que "vertebramos o país dende a política local e co deporte como elemento catalizador, como guía de actuación e como instrumento para afianzar a igualdade".
O alcalde Abel Caballero e a presidenta da Deputación, Carmela Silva, acompañaron os membros de AFAGA neste día. A escultura que presidirá a praza foi realizada pola Escola de Cantería da Deputación de Pontevedra.
Abel Caballero, presidente da Federación Española de Municipios e Provincias, e Miguel Ángel Carrillo, presidente do Colexio Oficial de Enxeñeiros de Camiños, Canles e Portos, asinaron este mércores un convenio de colaboración entre as dúas entidades para desenvolver actividades conxuntas de formación, investigación e divulgación sobre esta enxeñería no ámbito municipal. Durante a reunión celebrada no Concello de Vigo asinouse tamén un acordo Marco para potenciar a colaboración entre as dúas institucións.