martes, 27 dec 2022
O alcalde decretou durante que durante 3 días as bandeiras da cidade estean a medio mastro. Dos das persoas falecidas no accidente do autobús que caeu o río Lérez tiñan relación con Vigo, unha nacida na cidade e a outra residente durante unha tempada. "Poñémolas por elas, na súa honra e honor, e tamén por todas as persoas que faleceron no accidente tráxico e dramático. Queremos honrar a súa memoria", expresou o Abel Caballero.
venres, 23 dec 2022
Abel Caballero saudou este venres a Noela Avendaño Paredes quen vén de acadar a súa praza de funcionaria na Xerencia Municipal de Urbanismo, logo de máis dunha década de traballo na entidade dependente do Concello. No acto de sinatura da súa praza, estivo acompañada pola súa familia e por representantes de Down Vigo que promove a plena integración das persoas con Síndrome de Down e discapacidade intelectual.
venres, 23 dec 2022
O rexedor achegouse esta mañá a Purrusquiños, onde puido saudar os responsables e agradecerlles a súa boa labor cos máis pequenos. Os nenos e nenas convidaron a Abel Caballero a acender o alumeado do centro e a compartir as súas tarefas culinarias de Nadal.
xoves, 22 dec 2022
Abel Caballero saudou este xoves ás traballadoras e traballadores municipais nun acto celebrado na lonxa do Concello no que lles trasladou o agradecemento polo labor que desenvolven ao servizo da cidade e no que recoñeceu o seu esforzo e capacidade para afrontar momentos difíciles como os vividos durante a pandemia da Covid.
mércores, 21 dec 2022
Técnicos municipais mantiveron unha xuntanza co Ministerio de Transportes, Mobilidade e Axenda Urbana na que se abordaron as dúas opcións que o Goberno de España contempla para a saída sur ferroviaria de Vigo e a conexión con Porto en alta velocidade. “O Goberno de España ten o aval do Concello de Vigo”, expresou.
mércores, 21 dec 2022
O rexedor mantivo no día de onte unha reunión co Director Xeral de Carreteiras, Juan Pedro Fernández Palomino, no que trataron diversos temas de importancia para Vigo.
xoves, 15 dec 2022
Ante a Xunta de Goberno da Federación Española de Municipios e Provincias e do Consello Territorial da FEMP, o presidente apuntou que a asignación de Fondos Next Generation EU aos gobernos locais podería chegar ata o 40% do total correspondente a España.
mércores, 14 dec 2022
O rexedor recalcou a importancia do encontro desta mañá con Rodríguez Uribes, no que lle trasladou a acción e o traballo do Concello de VIgo a prol da candidatura Illas Cíes Patrimonio da Humanidade.
martes, 13 dec 2022
Abel Caballero mantivo un encontro este martes en Alcaldía con Rafael Antonio Pereira López, o novo Capitán da Garda Civil de Vigo, “un home novo, cheo de ideas”, sinalou, e con que abordou a importancia do labor que desenvolve o Corpo , o seu papel nun territorio como Vigo e a súa contorna, marcados pola fronteira con Portugal.
martes, 13 dec 2022
O alcalde demandou esta mañá á Xunta a posta en marcha das gardas 24 horas nos xulgados da cidade. En rolda de prensa, lembrou que Galicia é a única comunidade autónoma que non conta con este servizo a pesar de ter 8 xulgados de instrución.
