Abel Caballero anunciou o inicio, este martes, das obras de construción do cemiterio ecolóxico en Pereiró. Cun investimento de 136.517 euros, o proxecto articúlase ao redor de tres espazos: unha área de cerimonia para as despedidas e outras dúas destinadas ao enterramento das urnas ecolóxicas-biodegradables ao pé de arbustos de buxo e para esparexer de forma controlada as cinzas.
Vigo protagonizará o luns 9 de decembro o sorteo da ONCE. A iniciativa que difundirá a imaxe da rúa do Príncipe a través dos 5 millóns de cupóns que saen á venda foi destacada polo alcalde durante o acto de presentación da iniciativa na que participaron o responsable en Galicia da Organización Nacional de Cegos, Manuel Martínez Pan, e o director da delegación de Vigo, Roberto Gaspar. "Como está Vigo no cupón vaise vender o nunca visto", chanceou Abel Caballero.
Abel Caballero reiterou este martes aos directivos BorgWarner, durante a visita as instalacións campus de Zamáns, a vontade do Concello de continuar a cooperación coa empresa que recibiu do Goberno de España 24 millóns de euros do PERTE VEC II para desenvolver tres proxectos industriais do coche eléctrico e conectado.
O alcalde anunciou este luns o acordo aprobado pola Xunta de Goberno para a contratación das obras de cubrición da pista deportiva de Zamáns, cun orzamento de 832.000 euros; e o o inminente reinicio das obras do Calexón Balado tras o acordo de modificación do proxecto de mellora que significará a transformación da praza. “Vigo progresa sen parar”, afirmou.
O goberno de España vén de confirmar a súa vontade de que o tren de alta velocidade Vigo – Porto estea rematado en 2030. Caballero transmitiu esta mañá o seu entusiasmo con este “importantísmo” compromiso para a cidade.
O goberno municipal prorrogou dous meses o contrato de CEDRO para seguir proporcionando un servizo sanitario asistencial “importantísimo” ás persoas con drogodependencias “porque non o presta a Xunta de Galicia”, segundo explicou o alcalde.
O MARCO volve ser o lugar elixido para albergar a conmemoración do Día da Constitución o próximo 6 de decembro, ás 12,00h. Nesta ocasión, o responsable de redactar o bando será o maxistrado Julio Picatoste.
O alcalde saudou este xoves aos 50 alumnos de sexto de primaria do CPR Maristas o Pilar que participaron na visita guiada ás principais instalacións municipais dentro do programa didáctico "Visita o teu Concello". O Salón de Plenos onde a Corporación municipal celebra os plenos foi o escenario onde Abel Caballero trasladou ao estudantado a importancia do Concello no día a día da vida cidadá, así como na planificación de proxectos futuros que melloran a contorna urbana e a calidade de Vida. Máis de 2.500 estudantes de 50 colexios participan no programa.
Abel Caballero destacou este xoves o significado dos paraugas de cores "como berro colectivo para estar ao carón das persoas con discapacidade, reivindicando dereitos" e como elemento para acentuar o significado da celebración, o 3 de decembro na Praza da Estela, do Día Internacional das Persoas con Discapacidade.
O alcalde anunciou o acordo adoptado hoxe pola Xunta de Goberno para asinar tres convenios específicos coa diocese de Tui-Vigo con axudas para manter o patrimonio histórico colectivo da cidade.