A alcaldesa e o presidente da Deputación visitaron hoxe as parroquias de Bembrive e Valadares, onde se actuou en máis de 14 quilómetros de viais
xoves, 6 mai 2004
O Concello de Vigo e a Deputación de Pontevedra veñen de realizar actuacións de mellora en máis de 14 quilómetros de viais e camiños das parroquias de Bembrive e Valadares por un importe total de 273.500 euros. Acompañados do concelleiro dos distritos 5 e 8, Carlos Comesaña, a alcaldesa de Vigo, Corina Porro e mailo presidente da Deputación Provincial de Pontevedra, Rafael Louzán, visitaron hoxe as zonas destas parroquias onde se actuou recentemente.
Distribuirá nos colexios o "Bando dos nenos e nenas de Vigo" e colocará sinalizacións nos parques infantís e zonas verdes da cidade
martes, 4 mai 2004
O Concello de Vigo iniciará unha campaña informativa na que lles lembra aos cidadáns e cidadás o bando publicado pola Alcaldía de Vigo o pasado 14 de abril contra as regras de convivencia cidadá e sobre actos de natureza vandálica.
martes, 4 mai 2004
O concelleiro de Servicios Xerais, José Manuel Iglesias, participa na comisión temática de cidades portuarias da Conferencia de Cidades do Arco Atlántico que se desenvolve hoxe nas Palmas de Gran Canaria. No encontro, estudiarase un documento para continuar os traballos de cooperación institucional relativo o "marco xurídicos relacional entre cidades e portos" e a preparación da V Asemblea das Conferencia a celebrara en Nantes no mes de xullo de 2004.
xoves, 29 abr 2004
A xunta de voceiros, na súa reunión de hoxe, acordou constituir tres comisións municipais para estudiar e facer un seguimento de proxectos do Goberno, entre os que figuran o estudio do borde litoral, o convenio con Zona Franca relativo a proxectos urbanos e desenvolvemento social, o convenio Vigo 2005 e a Volvo Ocean Race.
venres, 23 abr 2004
Quero facer unha mención especial ó Día Mundial do Libro, que celebramos cada 23 de abril dende hai 10 anos, unha xornada que asocia a un cento de países e a millóns de persoas na promoción do libro e do dereito de autor. Unha xornada na que deberíamos aproveitar para reflexionar sobre as súas funcións insubstituíbles para a educación, a cultura e as ciencias do mundo.
Realizarase un estudio medioambiental do conxunto das actuacións propostas
venres, 23 abr 2004
A alcaldesa, Corina Porro, o delegado do Estado na Zona Franca, Pablo Egerique e mailo presidente da Autoridade Portuaria, Julio Pedrosa, presentaron hoxe o documento inicial do estudio do litoral encargado ó consorcio, un documento que, segundo a alcaldesa, pretende conxugar a cidade industrial coa cidade de servicios, algo perfectamente compatible dende o punto de vista do Goberno local.
A alcaldesa de Vigo, Corina Porro, asistiu á reunión constitutiva do organismo, que tivo lugar en Santiago
mércores, 21 abr 2004
Estímase que o número final de participantes que tomarán parte dende o porto de Vigo estea entre 8 e 12 barcos. Prevense actuacións relacionadas coa dotación de infraestructuras náutico-deportivas e de mellora das comunicacións terrestres cos lugares de saída, ademais de incidir na difusión mundial do acontecemento deportivo.Na actualidade, xa hai 32 equipos preinscritos, de 16 países distintos, para participar na Volta ó Mundo.
martes, 20 abr 2004
O Goberno local incrementará as prazas de atención a través da teleasistencia para tódolos maiores vigueses que viven sos e fortalecerá, con máis prazas, a axuda no fogar. Así o anunciou hoxe a alcaldesa de Vigo, Corina Porro, durante a inauguración do novo centro de atención a persoas maiores "Bembrive", dependente da Xunta de Galicia. A alcaldesa destacou ademais o compromiso do Goberno de aborda-la dependencia das persoas maiores coa creación de dous centros de día que se sumarán ó que hoxe se puxo en marcha nesta residencia, e ó que se inaugurará dentro dun ano en Barreiro.
A alcaldesa e mailo delegado do consorcio asinaron hoxe o documento para a revitalización do centro de Vigo e a xestión de programas de interese xeral con vistas á celebración da Volta ó Mundo de Vela no ano 2005
luns, 19 abr 2004
O Concello de Vigo e o Consorcio da Zona Franca desenvolverán o "Programa Vigo 2005" a través dun convenio de colaboración específico dirixido á revitalización do centro da cidade e á xestión de programas de interese xeral con vistas a saída de Vigo, en novembro de 2005, da Volta ó Mundo de Vela.
O Concello porá en marcha unha campaña para informar á cidadanía do bando da Alcaldía sobre os actos de natureza vandálica
venres, 16 abr 2004
O Goberno local está a reforzar tódalas actuacións relacionadas coa conservación do contorno urbano. Dende o mes de xaneiro, o goberno incrementou as accións dirixidas á conservación dos espacios públicos, á remodelación de zonas axardinadas, á eliminación das pintadas e carteis, ó mantemento de parques infantís, ou o arranxo de mobiliario urbano, así coma tódolos aspectos que menciona o bando sobre actos de natureza vandálica que publicou a Alcaldía. Ademais, estase a facer un importante esforzo no pavimentado e renovación de rúas e beirarrúas e, a través da Policía Local, na campaña para combate-la dobre fila.
