A alcaldesa de Vigo, Corina Porro e o director xeral adxunto de relacións Institucionais de Caixa Galicia, José Luis Álvarez Naveiro, mantiveron hoxe unha reunión para analizar o desenvolvemento do proxecto do centro residencial para persoas maiores que a entidade financeira está a construir nos terreos cedido polo Concello en Barreiro.
A alcaldesa, Corina Porro, inaugurou hoxe a Copa do Mundo de Saltos Hípicos que se celebra no recinto do IFEVI ata o próximo domingo. A alcaldesa destacaba no seu discurso de inauguración que " o éxito da reunión do público e o privado para conseguir para Vigo a celebración desta Copa do Mundo, é unha realidade que exemplifica un novo talante co que é necesario traballar".
A alcaldesa de Vigo, Corina Porro, e o conselleiro de Medio Ambiente, Xosé Manuel Barreiro, asinaron hoxe o protocolo de colaboración para levar a cabo as obras de saneamento das parroquias de Zamáns e Valladares. O proxecto conta cun orzamento total de 5.999.588 euros, que será financiado pola Consellería de Medio Ambiente e o Concello de Vigo, e coa súa execución rematase co saneamento da cidade.
A alcaldesa Corina Porro e a concelleira da Muller, Lucía Molares participarán nos coloquios que se celebrarán no "Primeiro foro de mulleres no século XXI" que organiza a Asociación Provincial de Mulleres Empresarias de Pontevedra os días 19 e 20 de febreiro no centro Cultural Caixanova.
A alcaldesa de Vigo, Corina Porro, manifestou hoxe que conxugar a cidade industrial coa de servicios "supón unha peza fundamental para continuar crecendo" e engadiu que, nesta visión global de cidade, o proxecto para a construcción do novo peirao de transatlánticos "conxuga á perfección estes dous axiomas: servicios e crecemento".
A asociación de mulleres "Diálogos 90" entregará os premios "Galegas destacadas 2003",no transcurso dunha recepción oficial que se celebrará o sábado 7 de febreiro ás 13:00 nas dependencias da Alcaldía. No acto tamén entregarase a medalla da Asociación Concepción Areal e unha placa conmemorativa do Concello á Marcha Mundial das Mulleres.
Corina Porro comprometeuse cos representantes da asociación Feaps Special Olympics a face-las xestións necesarias para que Vigo poda acoller, nun prazo aproximado de dous anos, a celebración dun campionato nacional de Special Olympics dalgunha modalidade deportiva na que participen persoas con discapacidade.
O Concello substituirá as tuberías de fibrocemento de xeito paralelo á mellora dos firmes das distintas rúas. A alcaldesa de Vigo, Corina Porro, encargou un informe ós técnicos municipais para medir os parámetros de calidade da rede de abastecemento de auga e anunciou que o Concello actuará, a medida que se melloren os firmes das rúas, na substitución da rede de tuberías de fibrocemento, que na cidade representan 140 quilómetros dos mais de 1.000 quilómetros de tuberías.<br />
A alcaldesa Corina Porro ven de mandar unha carta ao director xeral de Fondos Comunitarios e Financiamento Territorial do Ministerio de Facenda na que lle comunica que o Goberno Municipal de Vigo decidiu solicitar da Unión Europea cofinanciación no marco do Fondo de Cohesión para a execución do proxecto técnico de ampliación do saneamento da parroquia de Zamáns, dentro da convocatoria do período 2000-2006.
A Xunta de Goberno Local aprobou hoxe inicialmente o PEPRI Casco Vello e o seu catálogo anexo, segundo a documentación redactada pola empresa Consultora Galega S.L. e asinado polo arquitecto César Portela.