martes, 18 mai 2010
O presidente de Aeroportos Españois e Navegación Aérea (AENA), Juan Ignacio Lema Devesa, presentou o pasado sábado a ampliación do aeroporto vigués nun acto no que estivo acompañado polo alcalde de Vigo, Abel Caballero, e o delegado do Goberno en Galicia, Antón Louro. O investimento no novo Peinador roza os 60 millóns e suporá un "impulso decisivo" para a cidade, xa que duplicará a superficie e a capacidade.
martes, 18 mai 2010
Abel Caballero reuníuse este martes co director xeral da factoría viguesa de PSA, Pierre Ianni, para por en común o proxecto municipal para converter a Vigo en "cidade piloto" do vehículo eléctrico. O alcalde explicou que Citroën, en colaboración co Ministerio de Industria, está a elaborar un plan para a construcción en Vigo do coche eléctrico, e engadíu que a ordenanza municipal en elaboración dará "todas as vantaxes" a este tipo de vehículos.
Caballero reuniuse coa Asociación de Veciños e outros colectivos de Teis
venres, 14 mai 2010
O goberno municipal ten a intención de continuar na senda de avanzar para acadar espazos adicados a investigación e a educación na ETEA. O alcalde asegurou que nas próximas horas comenzarán as obras do borde mariño. A reunión cos veciños de Teis prodúcese nun día no que a Fundación Provigo e a Universidade asinaron un acordo de colaboración no proxecto de Campus Marino de Excelencia Internacional.
O alcalde mantivo un encontro cun destacado número de profesionais deste colectivo
venres, 14 mai 2010
O alcalde repasou con este colectivo os proxectos máis destacados da cidade, así como as preocupacións concretas deste sector. A reunión enmárcase na ronda de encontros que o rexidor local mantén con diversas comunidades profesionais para pulsar as preocupacións en todos os temas de interese da cidade.
venres, 14 mai 2010
Abel Caballero trasladou a súa felicitación ao comité organizador da feira por ser quen de facer que o sector naval conxugue tecnoloxía, tradición, capacidade emprendedora e saber vislumbrar o futuro. A feira desenvolverase no IFEVI do 18 ao 20 de maio e reunirá a 500 expositores e a 75 países representados. <br />
xoves, 13 mai 2010
O alcalde de Vigo e presidente da Fundación, Abel Caballero, e o rector da Universidade, Alberto Gago, asinaron hoxe un acordo de colaboración para participar no proxecto "Campus Marino de Excelencia Internacional". Caballero explicou que a ETEA será un lugar "referencial" para este proxecto e que nos terreos municipais deste espazo "xa está en mente" o campus marino.
xoves, 13 mai 2010
O alcalde de Vigo, Abel Caballero, presentou hoxe unha nova desbrozadora que se sumará as dúas existentes na actualidade e que permitirá mellorar o rendemento da brigada de limpeza municipal. A invasión da maleza é unha das suxestións máis realizadas polos vigueses polo que a adquisición do tractor axudará a solucionar este problema. A inversión é de 60.378 euros
xoves, 13 mai 2010
Abel Caballero asegurou hoxe xoves que recortará nun 15% as súas retribucións desde o momento de publicación do decreto do Goberno de España para reducir o déficit público. O alcalde avanzou que proporá aos corporativos con dedicación exclusiva no Concello a adopción desta medida "exemplarizante" dirixida ao aforro das entidades públicas, aínda que Caballero precisou que Vigo, dos grandes municipios españois, é "o Concello máis saneado de España en réxime común".
mércores, 12 mai 2010
Un total de 36 deportistas acudirán a cita que se celebrará do 7 ao 13 de xuño en Valencia e na que representarán a cidade olívica nos III Xogos Europeos, Europolyb 2010. O alcalde de Vigo, Abel Caballero, desexoulles sorte e animounos a traballar por acacar un bo resultado
mércores, 12 mai 2010
Abel Caballero anunciou hoxe mércores a adxudicación das humanizacións de López Mora, Pizarro, Pi y Margall, Dr Cadaval, Lugo e Perú, xunto con outras melloras, cun investimento de 10 millóns de euros. Estas obras darán traballo directo a 100 persoas e, cos indirectos, a unhas 350, apuntou o rexedor. O goberno tamén validou dúas escolas infantís e melloras na Alameda de Bembrive, en Santa Cristina, nos xardíns do Castro e no carril bici da Avenida de Castelao. Os traballos iniciaranse na primeira quincena de xuño.
