A alcaldesa e o presidente da Deputación asinan un convenio para a execución de diversas obras, que inclúe tamén a construcción do Centro Cultural Cabral Feira
xoves, 20 mai 2004
O Concello de Vigo e a Deputación de Pontevedra colaborarán na execución de obras de pavimentado en dezaoito rúas da cidade, así coma na construcción do Centro Socio-Cultural de Cabral Feira. A alcaldesa, Corina Porro, e mailo presidente da Deputación Provincial, Rafael Louzán, asinaron esta mañá un convenio de cooperación económica para o financiamento de diversas obras na cidade por importe de 2.018.101,20 euros.
<br />
venres, 14 mai 2004
POR ORDE dos corenta e dous guardiáns e gardianas da memoria colectiva rescatados neste Días das Letras Galegas que-malia dictaduras, prohicións e desidias que marcaron cicatrices na alma da nosa paisaxe, souberon pasar o facho desta difícil carreira de relevos.... POR ORDE, tamén, de toda esa xente anónima que, como tesouros mariños, aínda permanecen ocultos no mar do esquecemento, FAISE SABER QUE
Corina Porro reuniuse hoxe co director xeral de Air France, que comunicou á alcaldesa a decisión da compañía de por en marcha, a partires do 1 de xuño, dous novos enlaces diarios directos co aeroporto Charles de Gaulle
venres, 14 mai 2004
Corina Porro destacou hoxe que a decisión da compañía francesa Air France de pór en marcha dous vos diarios entre Vigo e París "fará de Vigo unha cidade máis competitiva". A alcaldesa entrevistouse hoxe co director xeral de Air France, Jacques de Chambrun, o delegado para o Norte de España da compañía e o director de ventas, que comunicaron a decisión da compañía aérea de por en marcha, a partires do 1 de xuño, dous novos enlaces diarios directos entre Vigo e o aeroporto Charles de Gaulle da capital gala. "Isto suporá que Vigo estará conectada a diario coa rede internacional de Air France, con Europa, África, Asia e América Latina, o que reforzará a actividade de moitas empresas da cidade e contribuirá a que Vigo sexa unha cidade máis competitiva", dixo.
A alcaldesa deu hoxe a saída dende a praza do Rei aos escolares que participan no Correlingua 2004
venres, 7 mai 2004
A alcaldesa de Vigo, Corina Porro, abogou hoxe pola normalización definitiva da lingua galega. Corina Porro, quen deu hoxe na praza do Rei a saída aos 2.500 escolares vigueses que participan na marcha pola lingua Correlingua 2004, manifestou que "o simbolismo desta carreira en defensa do idioma galego agocha unha clara necesidade: a normalización definitiva do uso da nosa lingua na escola, no mercado, no traballo, na casa...", e lembrou que "antes ca nos protexeron e defenderon o noso idioma as irmandades da fala, a xeración Nós, Risco, Castelao ou Otero Pedraio".
A alcaldesa e o presidente da Deputación visitaron hoxe as parroquias de Bembrive e Valadares, onde se actuou en máis de 14 quilómetros de viais
xoves, 6 mai 2004
O Concello de Vigo e a Deputación de Pontevedra veñen de realizar actuacións de mellora en máis de 14 quilómetros de viais e camiños das parroquias de Bembrive e Valadares por un importe total de 273.500 euros. Acompañados do concelleiro dos distritos 5 e 8, Carlos Comesaña, a alcaldesa de Vigo, Corina Porro e mailo presidente da Deputación Provincial de Pontevedra, Rafael Louzán, visitaron hoxe as zonas destas parroquias onde se actuou recentemente.
Distribuirá nos colexios o "Bando dos nenos e nenas de Vigo" e colocará sinalizacións nos parques infantís e zonas verdes da cidade
martes, 4 mai 2004
O Concello de Vigo iniciará unha campaña informativa na que lles lembra aos cidadáns e cidadás o bando publicado pola Alcaldía de Vigo o pasado 14 de abril contra as regras de convivencia cidadá e sobre actos de natureza vandálica.
martes, 4 mai 2004
O concelleiro de Servicios Xerais, José Manuel Iglesias, participa na comisión temática de cidades portuarias da Conferencia de Cidades do Arco Atlántico que se desenvolve hoxe nas Palmas de Gran Canaria. No encontro, estudiarase un documento para continuar os traballos de cooperación institucional relativo o "marco xurídicos relacional entre cidades e portos" e a preparación da V Asemblea das Conferencia a celebrara en Nantes no mes de xullo de 2004.
xoves, 29 abr 2004
A xunta de voceiros, na súa reunión de hoxe, acordou constituir tres comisións municipais para estudiar e facer un seguimento de proxectos do Goberno, entre os que figuran o estudio do borde litoral, o convenio con Zona Franca relativo a proxectos urbanos e desenvolvemento social, o convenio Vigo 2005 e a Volvo Ocean Race.
venres, 23 abr 2004
Quero facer unha mención especial ó Día Mundial do Libro, que celebramos cada 23 de abril dende hai 10 anos, unha xornada que asocia a un cento de países e a millóns de persoas na promoción do libro e do dereito de autor. Unha xornada na que deberíamos aproveitar para reflexionar sobre as súas funcións insubstituíbles para a educación, a cultura e as ciencias do mundo.
Realizarase un estudio medioambiental do conxunto das actuacións propostas
venres, 23 abr 2004
A alcaldesa, Corina Porro, o delegado do Estado na Zona Franca, Pablo Egerique e mailo presidente da Autoridade Portuaria, Julio Pedrosa, presentaron hoxe o documento inicial do estudio do litoral encargado ó consorcio, un documento que, segundo a alcaldesa, pretende conxugar a cidade industrial coa cidade de servicios, algo perfectamente compatible dende o punto de vista do Goberno local.
