luns, 24 mai 2010
Abel Caballero mantivo este luns unha reunión co Comandante de Marina, Rafael J. Ceñal, e o xefe de gabinete do Xefe do Estado Maior do Aire, Fernando Vila, e avanzou a estancia en Vigo o 17 e o 18 de xullo das tres embarcacións e a entrega da bandeira de combate ao Méndez Núñez. Esta parada, que permitirá visitar os barcos, é complementaria á celebración do Festival Aéreo Internacional de Vigo do 18 de xullo.
luns, 24 mai 2010
O alcalde explicou hoxe luns que o goberno local xa acometeu obras de asfaltado por valor de 2,9 millóns de euros en 350 rúas en prácticamente toda a cidade -sen contar as humanizacións-, ao tempo que anunciou a contratación dun servizo de aluguer de maquinaria ao efecto, para o que o Concello destina 850.000 euros. Vías e Obras poderá solicitar 41 unidades, que responderán no prazo máximo de 24 horas, para "prestar todavía máis atención a asfaltados e reparacións", asegurou Caballero.
venres, 21 mai 2010
A Ministra Elena Espinosa inaugura este venres o peirao de Punta Muxieiro, máis coñecido coma Rodas, unha actuación que forma parte das inversións do Plan E do Goberno e na que se tiveron en conta as características medioambientais e paisaxísticas da zona. A inversión superou os 970.000 euros e a actuación deu emprego a 16 persoas.
venres, 21 mai 2010
Abel Caballero visitou este venres os traballos de humanización da cuarta fase da humanización da Travesía de Vigo, cunha lonxitude de 1,5 quilómetros e máis de 2 millóns de investimento. "Imos humanizar toda a Travesía de Vigo", aseverou o alcalde. Caballero anunciou ademais a mellora de Julián Estévez, o acondicionamento doutras tres rúas de Teis e a reforma das cinco praias do barrio.
xoves, 20 mai 2010
O rexedor socialista participou hoxe xoves nas Xornadas Europeas do Sector Naval, que se desenvolven en Vigo durante dous días, e mostrouse convencido de que a cidade continuará liderando a construcción naval en Europa. No marco das xornadas aprobouse a Declaración de Vigo na que a Federación Europea do Metal pide un programa de rescate para a construcción naval en Europa.
xoves, 20 mai 2010
Abel Caballero asinou hoxe xoves coa Asociación de Veciños de Teis un convenio para a xestión dos servizos que ofrece o Centro Cívico do barrio, propiedade do Concello e no que realízanse "un número notable de actuacións, por enriba das conveniadas". O Concello achega 55.000 euros para as actividades e a contratación dun traballador para o Centro, e o alcalde valorou este como "un sistema de descentralización que está a amosar eficacia".
mércores, 19 mai 2010
O alcalde cifrou nuns 9 millóns de euros os destinados polo goberno que preside a traballos de humanización en Coia, aos que suma os 7,7 do aparcamento soterrado en construcción. "Esta era a nosa débeda con Coia que comeza a quedar saldada", apuntou Caballero nunha visita á humanización de Vilagarcía, que estará concluída nuns 15 días, e leva un investimento municipal de 864.000 euros.
mércores, 19 mai 2010
Abel Caballero anunciou este mércores que o Director Xeral de Industria -nunha entrevista mantida co rexedor na tarde de onte- comprometeuse a aportar a metade das axudas necesarias para a implantación no área de Vigo dunha factoría de baterías para vehículos eléctricos. O alcalde asegurou que o Ministerio ten "toda a vontade e unha partida orzamentaria" ao efecto e augurou "boas perspectivas para a industria" viguesa.
martes, 18 mai 2010
O alcalde de Vigo e o tenento de alcalde asisten hoxe martes á inauguración da feira que se desenvolverá no Instituto Feiral de Vigo ata o 20 de maio. Na mostra estarán representados 75 países e 500 expositores que traballarán por afianzar o posicionamento da cita naval. Hoxe en día Navalia é xa un referente en Europa e unha das principais ferramentas de promoción da construcción naval en todo o mundo.
martes, 18 mai 2010
O alcalde de Vigo avogou ante Antonio Mendonça pola construcción dun AVE que una Oporto e Madrid a través de Vigo, creando unha ele ferroviaria a 350 km/h que sumaría tres millóns de usuarios potenciais á liña e que uniría o traxecto en pouco máis de tres horas, sendo así "competitivo co avión". Caballero tamén propuxo esta opción para unir a Oporto con Francia a través de Vigo. Esta alternativa foi "ben recibida" polo ministro e acordaron manter novas reunións sobre esta iniciativa.
