Abel Caballero anunciou este venres que a Xunta de Goberno Local aprobou o proxecto de humanización da rúa Pintor Lugrís, que inclúe a instalación de dúas ramplas mecánicas, e a tramitación do expediente do plan de actuacións para minimizar as perdas da rede de abastecemento de auga en Santa Cristina de Lavadores, Navia e Coutadas-Teis.
A Galería A3 do Museo de Arte Contemporánea de Vigo acolle, desde hoxe ata o 15 de setembro, a exposición “On the Table”. Comisariada por Isidro Blasco, a mostra exhibe obras de Din Matamoro, Luis Salaberria, Teresa Moro, Montserrat Gomez Osuna, Virginia Frieyro e Sandra Rein. Caballero afirmou hoxe na inauguración que se trata dunha exposición do máis alto nivel pola singularidade de cada unha das pezas expostas.
O alcalde reuniuse hoxe coa xunta permanente da Confraría do Santísimo Cristo da Victoria para abordar os preparativos do pregón deste ano, así como da procesión que terá lugar o domingo 4 de agosto. Caballero compartiu con José Vidal, Párroco da Colexiata, Marora Martín-Caloto e José Troncoso, irmá maior e vicepresidente da confraría, respectivamente, así como con Carlos Borrás, secretario da xunta directiva, a organización programada para a celebración relixiosa.
Abel Caballero reclamou este xoves, no acto de apertura do rehabilitado espazo anexo do Museo de Arte Contemporánea como “MARCO inclusivo”, a “cooperación e a atención que agora non temos” doutras institucións coas competencias de cultura para promocionar e desenvolver a cultura de Vigo. “A primeira cidade de Galicia necesita investir e o museo é unha mostra clara”, defendeu o alcalde.
Abel Caballero informou esta mañá dalgunhas medidas que establecerá o novo Plan Xeral de Ordenación Municipal no ámbito da vivenda. Tamén destacou que dende o goberno municipal, “vimos de poñer en marcha un programa de axudas para potenciar e facilitar o alugueiro de vivendas baleiras na cidade”.
O Concello súmase á conmemoración do Día Mundial da Síndrome Rubinstein-Taybi este mércores 3 de xullo iluminando de amarelo as fontes da rúa Aragón. Trátase dun transtorno xenético raro, coñecido popularmente como "síndrome dos pulgares anchos" asociado tamén a dificultades de aprendizaxe e desenvolvemento e outros problemas severos de saúde.
O Concello reforzará o venres 5 e o sábado 6 de xullo o servizo nocturno de transporte urbano con motivo das festas da Consolación de Coia. Así o anunciou hoxe o alcalde ao apuntar que durante a fin de semana o barrio contará cunha maior frecuencia de tránsito de autobuses.
Promover e facilitar contornas urbanas que propicien a inclusión, a sustentabilidade e a resiliencia, é o eixo da conferencia “Construíndo pontes”, organizada para este xoves dentro do programa de actividades do Festival de Arquitectura Urbana TAC!, que se desenvolve na Porta do Sol.
O alcalde e a primeira tenente de alcaldía participaron hoxe na celebración do 50 aniversario de actividade en Vigo da empresa de compoñentes da automoción ZF, instalada no polígono do Caramuxo. Ademais de descubrir a placa conmemoración do medio século de actividade da planta de produción de pezas de recambios e inxección de pezas plásticas en cubertas dos airbags, Abel Caballero encomiou o financiamento conseguida para a automoción cos PERTE aprobados polo Goberno.
Abel Caballero mantivo un encontro este mércores cos 9 novos axentes que se incorporan á Policía Local no seu período de práctica profesional. Trátase "de 7 homes e 2 mulleres, que traballarán un período de 3 meses antes de tomar posesión na cidade". O rexedor trasladoulles o seu apoio e confianza no labor que desempeñan explicando que "pertencen á oferta de emprego público de 2022", e que a Policía Local conta nestes intres "cun cadro de persoal operativo de 335 efectivos prestando un magnífico servizo na cidade".