O aparcadoiro de Matamá, a humanización do ámbito de Progreso, a estrutura e peonalización do acceso á ermida da Guía, a humanización de Doutor Carracido e as escaleiras mecánicas de acceso ao parque Finca Matías. “Anunciarei outras 65 obras nos próximos días”, dixo Caballero.
O Concello súmase á conmemoración do Día Internacional da FSHD (Distrofia muscular facioescapulohumeral) tinguindo de cor laranxa as fontes da rúa Aragón este venres 20 de xuño. Na noite seguinte, a do sábado 21 de xuño, as fontes de Aragón ilumínanse de cor verde no Día Mundial da ELA, Esclerose Lateral Amiotrófica, a terceira enfermidade neurodexenerativa máis frecuente trala demencia e a enfermidade de Parkinson
O alcalde participou no acto de clausura do curso da Escola de Imaxe e Sonido de Vigo onde 70 alumnos e alumnas dan o salto ao mercado laboral. Caballero felicitounos polo seu traballo ao longo da súa formación e puxo en valor o labor do profesorado. Estes estudantes son desde hoxe titulados en Animación 3D, realización de audiovisuais, caracterización e maquillaxe, sonido, VDJ, iluminación e produción.
O alcalde e a primeira tenente de alcaldía de Vigo mantiveron esta mañá unha reunión coa secretaria de Estado de Defensa, María Amparo Valcarce García, no marco da feira Mindtech. Acto seguido, percorreron os stands de distintas empresas galegas que presentan as súas innovacións tecnolóxicas na cuarta edición da feira Mindtech, organizada por Asime.
O Museo de Arte Contemporánea expón desde hoxe e ata o 21 de setembro as obras da creadora Laura Lio, reunidas na mostra “Savia e sangue”. O alcalde destacou a “sensibilidade” dos debuxos e esculturas da artista arxentina.
Sensibilizar e concienciar sobre a transcendencia dos hábitos de vida saudables na prevención dos danos cerebrais adquiridos e reivindicar os dereitos e necesidades das persoas afectadas, son os dous eixos da “IV Carreira e andaina solidaria” organizada para o próximo domingo 6 de xullo, que hoxe se presentou no Concello.
O Boletín Oficial da Provincia publicou o padrón de lixo en vivendas que establece as tarifas de recollida de residuos sólidos. O alcalde sinala a “ineficacia” da Xunta pola suba de case un 70% por parte de Sogama, organismo dependente do goberno autonómico, que pasa de cobrar 61,7 euros/tonelada de residuos a 104,5 euros / tonelada en pouco máis dun ano.
“Unha gran noticia”, valora o rexedor, tras a luz verde do Estado á planta de chips fotónicos cun investimento de 17,2 millóns de euros, que situará a cidade “á altura de Francia e Alemaña” como centros de produción da Unión Europea.
O Concello inicia este martes a reparación e substitución da pasarela de madeira da praia de O Vao. Estará rematada na segunda semana do mes de xullo.
O alcalde puxo en valor este martes que a gran dimensión tecnolóxica do sector do metal de Vigo queda patente na cuarta edición da “Feira Internacional Mindtech”, organizada ata o xoves 19 de xuño no Instituto Feiral de Vigo pola Asociación de Industrias do Metal e Tecnoloxías Asociadas de Galicia.