O Concello presenta este xoves, 20 de maio, a súa proposta na Feira Internacional de Turismo que se celebra no Ifema en Madrid. Coa pandemia en proceso de control “é o momento de relanzar a nosa oferta”, di Caballero.
O presidente da FEMP reuniuse este mércores coa Comisión de seguimento do Consello de poderes locais e rexionais do Consello de Europa con quen abordou a necesidade da reforma local, dunha segunda descentralización das comunidades aos municipios e a participación dos concellos nos fondos europeos de recuperación.
O Concello continúa coas actividades conmemorativas do día das Letras Galgas, que este ano distingue a poetisa viguesa -nacida en Sarria – Xela Arias. Xunto coa nai, Amparo Castaño, o presidente da RAG, Víctor Freixanes, e a presidenta da Deputación, Carmela Silva, o rexedor descubriu un emblema que manterá a memoria desta artista entre as rúas de Vigo para sempre.
Vigo acolle ata o vindeiro domingo 16 de maio a terceira proba do calendario World Pádel Tour 2021 coa presenza de máis de 300 deportistas do máis alto nivel internacional que se medirán nas fases previas en Navia e no resto de partidos no pavillón municipal das Travesas. Abel Caballero participou este martes na presentación do evento nas ramplas da Gran Vía xunto á organización e a Alejandro Galán e Paula Josemaría, dous dos xogadores de pádel que participan estes días no Cupra World Padel Tour Vigo.
O alcalde informou este martes do envío dunha carta a Feijóo e aos grupos parlamentarios galegos. Santiago percibe da Xunta 2,3 millóns e Caballero solicita o triplo ao contar Vigo con tres veces máis habitantes. “Non digo que non á capital de Santiago, pero a capitalidade non se pode converter nun privilexio para recibir ademais diñeiro que os demais non recibamos”, argumentou.
O alcalde participou este martes na presentación das carreiras que organiza o Vigo-Rías Baixas na cidade: unha etapa da Copa de España este domingo 16 e o Campionato de Galicia o próximo luns día 17 de maio.
O alcalde deu conta este martes da reunión celebrada onte co secretario xeral e o director xeral de Industria, Raúl Blanco e Galo Gutiérrez, respectivamente, na que se presentou a candidatura “sólida, consistente e ben trazada” para implantar unha planta de baterías na PLISAN.
Abel Caballero, Carmela Silva e David Regades mantiveron esta mañá unha reunión no Ministerio de Industria para presentar algúns dos proxectos cos que Vigo aspira a fondos NextGenerationEU. Segundo explicou o rexedor, durante o encontro pasaron revisión a todos os manifestos de interese que se enviaron desde o Consorcio da Zona Franca, ademais de detallar os distintos proxectos.
O presidente da FEMP e a vicepresidenta primeira do Goberno presentaron este venres o programa “Municipios pola Tolerancia: Cara a unha mellor xestión da diversidade relixiosa”. No encontro, o alcalde abordou con Carmen Calvo os fondos europeos e a súa importancia para a recuperación do “difícil momento económico no país” así como a “conveniencia de que os concellos sexamos receptores de fondos europeos en magnitudes equivalentes ao noso peso, algo que xa está facendo o Goberno”.
Abel Caballero amosou a súa “satisfacción” polo compromiso trasladado este xoves polo secretario de Estado de Transporte, Mobilidade e Axenda Urbana no transcurso dunha reunión mantida coa FEMP. Pedro Saura avanzou que os proxectos municipais que opten aos fondos europeos Next Generation poderán presentarse a comezos deste verán, en canto se publique a Orde Ministerial que regula as subvencións.