xoves, 6 xuñ 2024
Abel Caballero participou este xoves na sede de Zona Franca na I Reunión de Veteranos da Garda Civil e puxo en valor o “inmenso capital humano; a experiencia” destes axentes retirados. O rexedor ofreceu “toda a nosa cooperación” no que precise o Corpo na cidade e valorou o traballo que desempeñan que “merece cariño, respecto e aprecio”. Así, demandou “unha maior dotación de gardas civís porque somos a cidade máis importante de Galicia, cidade fronteiriza con aeroporto e ámbito rural”.
xoves, 6 xuñ 2024
Abel Caballero puxo en valor este xoves os programas que desenvolve o Concello para fomentar e mobilizar a práctica do deporte en todas as idades coa finalidade de xerar hábitos saudables entre a cidadanía. Así se expresou no acto de presentación da iniciativa “A Máquina do Tempo”, que co lema “Adiántate ao futuro e gaña anos de vida”, organiza a Fundación Mapfre coa Sociedade Española de Medicina Familiar e Comunitaria de promoción da saúde. O alcalde afirmou, que “a vida saudable, a saúde e a nova revolución cultural éo todo na cidade” e por iso “en Vigo tentámolo de moitas formas”. A unidade móbil na que os interesados poden comprobar a súa idade biolóxica, e o estado de saúde, permanece en Urzáiz, na praza do Farola ata o sábado 8 de xuño.
xoves, 6 xuñ 2024
A comisión de axudas de emerxencia do Concello de Vigo aprobou na reunión desta semana un total de 90 novas axudas, por un importe de 20.000 euros. Así o explicou hoxe o alcalde ao avanzar que desde xaneiro foron concedidos 2.108 apoios, e insistir en reclamar a compatibilidade da percepción do Ingreso Mínimo Vital coa Renda de Inclusión Social da Xunta de Galicia.
mércores, 5 xuñ 2024
Este mes de xuño o Goberno de España iniciará as obras de reparación e asfaltado das autovías da contorna de Vigo: A-55, A-52 e VG20, segundo avanzou hoxe o alcalde. O Ministerio de Transportes realizará unha contratación de emerxencia, “vai afrontar coa máxima celeridade posible, e vai achegar 6 millóns de euros á reforma en profundidade das autovías”, afirmou Abel Caballero.
mércores, 5 xuñ 2024
Axentes da Policía Local participaron hoxe nunha nova iniciativa de formación, centrada en mellorar os coñecementos para atender ás persoas maiores e ás afectadas con distintos tipos de demencias. Así o apuntou este mércores o alcalde ao indicar que unha psicóloga da Asociación de Familiares de Enfermos de Alzheimer, AFAGA, dirixiu a sesión.
mércores, 5 xuñ 2024
No Día Mundial do Medio Ambiente, que se conmemora cada 5 de xuño, o rexedor vigués relatou os diferentes traballos que se realizan dende o Concello para o seu fomento.
martes, 4 xuñ 2024
O alcalde e a concelleira de Política Social, Yolanda Aguiar, entregaron hoxe os diplomas ás 60 persoas, de entre 70 e 91 anos, que participaron no programa "En Forma”, organizado pola Federación Viguesa de Peñas Recreativas El Olivo. Caballero tamén lles proporcionou un recordatorio da presenza nas actividades dirixidas a evitar o sedentarismo e levar unha vida cardiosaudable.
martes, 4 xuñ 2024
A presenza “perenne” en Vigo da figura e a obra do intelectual galeguista Francisco Fernández del Riego vese reforzada coa reapertura, este martes, do museo instalado na primeira planta da Casa da Cultura Galega. Así o remarcou o alcalde ao destacar que Don Francisco foi “un personaxe excepcional, cunha visión cultural inesgotable”, o que leva ao Concello a reafirmar o seu compromiso en seguir destacando a súa personalidade e contribución á cultura galega.
martes, 4 xuñ 2024
Abel Caballero anunciou hoxe a aprobación definitiva pola Xerencia Municipal de Urbanismo do Plan Especial de Reforma Interior Montana, en Alcabre. O alcalde indicou que a ordenación aprobada integra “moi ben” un gran espazo de zonas verdes coas 43 vivendas unifamiliares proxectadas, que serán distribuídas en pequenos grupos de 3 a 4 adosados, axustándose á paisaxe urbana dos núcleos residenciais que existen nas proximidades.
martes, 4 xuñ 2024
Jonatan Giráldez vén de pechar na sección feminina do Fútbol Club Barcelona unha época dourada, acumulando 15 títulos dende que tomou as rendas do banquillo culé en 2019, na que destacan as 5 ligas e 3 Champions League. O rexedor transmitiulle o seu orgullo, sinalando que "é o mellor adestrador feminino da historia", ao lograr "un éxito case inalcanzable" con tan só 32 anos. O técnico, acompañado da súa parella e do seu fillo Cíes, amosoulle a Caballero a súa medalla como campión da Champions, obtida o mes pasado, así como agradeceu o recoñecemento que a cidade lle outorgou na Gran Gala do Deporte de Vigo. Finalmente, Caballero tamén lle quixo desexar "toda a sorte do mundo" no próximo destino do técnico na liga estadounidense, onde tomará as rendas do Washington Spirit da NWSL.
